هەڵەیەک روویدا! دووبارە هەوڵبدە
رووداو دیجیتاڵ
لەسەر رێگەی ھاوینەھەواری گەلی شێرانە، لە ناحیەی دێرەلووکی قەزای ئامێدی ئۆتۆمبێلێک لە بەرزایی کەوتە خوارەوە، کەسێک گیانی لە دەستدا و سێ کەسیش بریندارن.
ھەرمان سدقی، خاوەنی ھاوینەھەواری گەلی شێرانە، بە تۆڕی میدیایی رووداوی راگەیاند "ئۆتۆمبێلەکە ئەمڕۆ لە سەر رێگەی شوێنە گەشتیارییەکە کەوتووەتە خوارەوە، قوربانییەکان خەڵکی ناحیەی دێرەلووکن."
بەپێی زانیاریەکانی رووداو ئەو کەسەی گیانی لە دەستداوە ناوی ئازاد سەفەر ـە، تەمەنی بیست ساڵە.
بەگشتی چوار گەنج لەنێو ئۆتۆمبێلەکەدا بوون، جگە لە ئازاد کە گیانی لە دەستدا، سێ کەسەکەی دیکە بریندار بوون و گەیێنراونەتە نەخۆشخانەی ئامێدی، دووانیان چارەسەریان وەرگرتووە و برینەکەیان سووکە.
یەکێکی دیکە لە بریندارەکان بۆ وەرگرتنی چارەسەر، دەنێردرێتە بەشی فریاکەوتنی نەخۆشخانەی ئازادی لە دھۆک.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ