رووداو دیجیتاڵ
ئەمڕۆ بە ئامادەبوونی سەرۆکوەزیرانی هەرێمی کوردستان، ئاهەنگی دەرچووانی زانکۆی ئەمەریکی - کوردستان لە شاری دهۆک بەڕێوەدەچێت.
رێوەڕەسمی ئاهەنگەکە کاژێر 06:30ـی ئێوارە دەستپێدەکات. ئاری زاوێتەیی، بەرپرسی پەیوەندییەکانی زانکۆی ئەمریکی - کوردستان لە دهۆک بە تۆڕی میدیایی رووداوی گوت، لە رێوەڕەسمەکەدا جگە لە سەرۆکوەزیرانی هەرێمی کوردستان، کۆنسووڵی ئەمریکا لە هەرێمی کوردستان و نوێنەری چەند وڵاتێکی دیکە بەشدار دەبن.
لە رێوڕەسمەکەی ئەمڕۆدا 93 خوێندکاری زانکۆکە بڕوانامە وەردەگرن کە دەبنە دەرچووانی حەوتەمین خولی دەرچووانی زانکۆی ئەمەریکی - کوردستان لە دهۆک.
ئەو خوێندکارانەی ئەمڕۆ بڕوانامە وەردەگرن، دەرچووانی کۆلێژەکانی هونەر و زانست، کارسازی، ئەندازیاری و پەرستارین.
زانکۆی ئەمریکیی کوردستان لە دهۆک ساڵی 2014 لە لایەن مەسرور بارزانییەوە دامەزرا؛ ساڵی رابردوو 68 خوێندکار لە زانکۆکە بڕوانامەی دەرچوونیان وەرگرت.
بەگوێرەی زانکۆکەکە، "دامەزراوەیەکی گشتیی قازانجنەویستی خوێندنی باڵایە".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ