رووداو دیجیتاڵ
سەرلەبەیانیی ئەمڕۆ ژمارەیەک درۆنی نەناسراو لە ئاسمانی شاری سلێمانی بیندراون، بەڵام هیچ بۆردوومانێکیان نەکردووە.
بەگوێرەی ئەفسەرێکی باڵای هێزە ئەمنییەکانی سلێمانی بۆ رووداو، درۆنەکان ماوەیەک لە ئاسمانی شارەکەدا بوون و لەلایەن هێزە ئەمنییەکانەوە تەقەیان لێکراوە، بەڵام نەکەوتوونەتە خوارەوە و ئاسمانی سلێمانییان جێهێشتووە.
تاوەکو ئامادەکردنی ئەم هەواڵە سەرچاوەی درۆنەکان ئاشکرا نەبوون و هێزە ئەمنییەکان لێکۆڵینەوە لە سەرچاوەکەی دەکەن.
ئەوە لەکاتێکدایە، 22ـی ئاب لە کاتی رووبەڕووبوونەوەی هێزەکانی لاهوور شێخ جەنگی و هێزە ئەمنییەکانی سلێمانی لە هۆتێل لەلازار، چەند درۆنێک لە دەباشانی سلێمانی خرانەخوارەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ