هەڵەیەک روویدا! دووبارە هەوڵبدە
رووداو دیجیتاڵ
تەندروستیی مامۆستاییەکی ئایینیی خەڵکی رۆژهەڵاتی کوردستان لە گرتووخانە تێکدەچێ و بۆ نەخۆشخانەی سنە دەگوازرێتەوە.
دوای پشكنینی پزیشکی، دەركەوت تەندروستیی مامۆستا محەممەد خزرنەژاد باش نییە و بەپەلە پێویستی بە چارەسەری پزیشكییە و هەربۆیە بۆ نەخۆشخانەی تەوحیدی سنە گوێزرایەوە.
مامۆستا محەممەد خزنەژاد تووشی نەخۆشی گەدە، فەقەرات و دڵ بووە.
پێشتر ئەندامانی خێزانەکەی هۆشدارییان لە دۆخی تەندروستیی مامۆستا محەممەد دابوو.
مامۆستا محەممەد خزرنەژاد لە 19-11-2022 دوای بەشداریکردن لە رێوڕەسمی بەخاکسپاردنی قوربانییەکی خۆپێشاندانەکانی شاری بۆکان دژی شێوازی گیانلەدەستدانی ژینا ئەمینی، کچە کوردی خەڵکی سەقز دەستبەسەرکرا و ساڵی 2023 لە دادگەی شۆڕشی ورمێ بە تۆمەتی زیانگەیاندن بە یەکپارچەیی، سەربەخۆیی ئێران و بانگەشەکردن دژی دەسەڵاتی ئەو وڵاتە، بە لەسێدارەدان و 16 ساڵ بەندکران سزادرا، سزاکەشی لە دیوانی باڵای دادوەریی ئێران پەسند کرا.
دەسەڵاتی دادی ئێران لە مانگی 11ی 2024دا رایگەیاند، لەسەر داوای مامۆستایانی ئایینیی سوننە، سزای لەسێدارەدانی بۆ بەندکرانی تاهەتایی گۆڕاوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ