کوردستان
سەردانی شێخ جەعفەر شێخ مستەفا بۆ سەنگەرەکانی میحوەری رۆژئاوای کەرکووک. وێنە: سەرۆکایەتیی هەرێمی کوردستان
رووداو دیجیتاڵ
شێخ جەعفەر شێخ مستەفا، جێگری سەرۆکی هەرێمی کوردستان بە نوێنەرایەتیی نێچیرڤان بارزانی، فەرماندەی گشتیی هێزی پێشمەرگەی کوردستان سەردانی سەنگەرەکانی میحوەری رۆژئاوای کەرکووک و گوندی قایەباشی لە سنووری شارۆچکەی پردێ کرد.
لە راگەیێندراوی سەرۆکایەتیی هەرێمی کوردستاندا هاتووە، جێگری سەرۆکی هەرێمی کوردستان دووپاتیکردەوە کە سەرۆکایەتیی هەرێمی کوردستان چەندین جار بە حکومەتی فیدراڵیی عێراق و هاوپەیمانانی راگەیاندووە، کە داعش مەترسییە و هەمیشە لە هەوڵی خۆڕێکخستنەوە و تێکدانی ئارامیی ناوچەکەدایە، بەتایبەت لە ناوچەکانی ماددەی 140 کە بۆشاییەکی ئەمنیی زۆری تێدایە و هەماهەنگییەکی تەواو سەربازیش لەنێوان سوپای عێراق و هێزەکانی پێشمەرگەدا بۆ پاراستن و دابینکردنی سەقامگیریی زیاتر لە ناوچەکە نییە.
شێخ جەعفەر شێخ مستەفا جەختیکردەوە، سەرۆکایەتیی هەرێمی کوردستان کاری خێراتر دەکات بۆ دروستبوونی هێزێکی هاوبەش لەنێوان سوپای عێراق و پێشمەرگە بۆ رووبەڕووبوونەوە و پاراستنی ئەو ناوچانە لە داعش، چونکە بەردەوامبوونیان مەترسییە بۆسەر ئاسایشی عێراق، هەرێمی کوردستان و جیهان بەگشتی.
سەرۆکایەتیی هەرێمی کوردستان دەڵێت، "دوای گەڕانەوەی لە میحوەرەکانی هێزی پێشمەرگە، جێگری سەرۆکی هەرێمی کوردستان سەردانی ماڵی شەهیدان و بریندارانی ئەو هێرشە تیرۆریستییەی کرد و سەرەخۆشی و هاوخەمیی سەرۆکایەتیی هەرێمی کوردستانی گەیاندە خانەوادەی سەربەرزیان و هیوای زوو چاکبوونەوەی بۆ برینداران خواست".
شێخ جەعفەر شێخ مستەفا، بە نوێنەرایەتی نێچیرڤان بارزانی، سەرۆکی هەرێمی کوردستان سەردانی ماڵباتی پێشمەرگە شەهید و بریندارەکانی سنووری کەرکووک دەکات
— Rudaw (@Rudawkurdish) May 2, 2021
📸 سەرۆکایەتیی هەرێمی کوردستان pic.twitter.com/JgEIJYfcoN
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ