500 خێزانی کەمپی ئاشتیی عەربەت دەگەڕێنەوە زێدی خۆیان

02-05-2024
نەهرۆ محەممەد
A+ A-
رووداو دیجیتاڵ
 
بەڕێوەبەری ناحیەی عەربەتی سلێمانی رایدەگەیێنێت، هەفتەی داهاتوو 500 خێزانی کەمپی ئاشتی دەگەڕێنەوە زێدی خۆیان.
 
دابان محەممەد، بەڕێوەبەری ناحیەی عەربەت رۆژی پێنجشەممە 2ی ئاداری 2024 بە رووداوی گوت: "بڕیارە هەفتەی داهاتوو 500 خێزانی دیکەی کەمپی ئاوارەکانی ئاشتی بگەڕێنەوە زێدی خۆیان".
 
کەمپی ئاشتی، دەکەوێتە ناحیەی عەربەت لە سنووری پارێزگای سلێمانی و هەزار و 354 خێزانی ئاوارەی تێدایە. 
 
هەر خێزانێکی گەڕاوە چوار ملیۆن دینار، تەلەفزیۆن، تابەخ و بەفرگرێکی پێدەدەرێت، ماڵەکەشی بێبەرامبەر بۆ دەگوازرێتەوە. بەڕێوەبەری ناحیەی عەربەت  دەڵێت: "ئەوە هاندانێکە تاوەکو ئاوارەکان بگەڕێنەوە زێدی خۆیان."
 
مانگی رابردوو نزیکەی 245 خێزانی کەمپەکە گەڕانەوە زێدی خۆیان. 
 
عەلی عەباس، گوتەبێژی وەزارەتی کۆچ و کۆچبەرانی عێراق و بەرپرسی لقەکان لە وەزارەتەکە، رۆژی یەکشەممە 27ی نیسانی 2024 بە رووداوی راگەیاند: "لە پارێزگای سلێمانی تەنیا یەک کەمپی ئاوارەکان ماوە، ئەویش کەمپی ئاشتییە. ئێستا ژمارەی ئاوارەکانی بۆ نزیکەی نیوە کەمبووەتەوە، ئەوانی دیکە گەڕاونەتەوە زێدی خۆیان". 
 
 گوتەبێژی وەزارەتی کۆچ و کۆچبەرانی عێراق گوتیشی: "دوای 15ی ئایار کە  وەرزی خوێندنی ئەمساڵ کۆتایی دێت، تەواوی ئاوارەکانی ئەو کەمپە دەگەڕێنەوە و کەمپەکە دادەخرێت."
 
رۆژی 19 ئاداری 2024  کەمپی تازە دێ لە سنووری ئیدارەی گەرمیان داخرا. بەپێی دوایین ئاماری وەزارەتی کۆچ و کۆچبەرانی عێراق، لە هەرێمی کوردستاندا 23 کەمپ هەن. 
 

 

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

ئەو کرێکارانە لە کارگەیەکدا خنکاون

لە ئیسفەهان 9 کرێکار بە گاز خنکان

بەڕێوەبەری گشتیی هۆبەی رووبەڕووبوونەوەی قەیرانی پارێزگای ئیسفەهان رایدەگەیێنێت، لە یەکێک لە کارگەکانی ئەو پارێزگایە 9 کرێکار بەهۆی دزەکردنی گازەوە گیانیان لەدەستداوە.