رووداو دیجیتاڵ
لە دوێنێوە دەنگۆی جوڵاندنی هێزی پێشمەرگەی پارتی و یەکێتی لە بەرزاییەکانی چیای هەورێ و کلاو قاسم لە سنووری خەلیفان و بالیسان بڵاوبووەتەوە، بەڵام بەرپرسانی بالیسان و خەلیفان رەتیدەکەنەوە.
لەو بارەیەوە مەهدی مستەفا، بەڕێوەبەری ناحیەی بالیسان بە تۆڕی میدیایی رووداوی راگەیاند، "هیچ هێزێک لە سنووری ناحیەکەیان بە ئاراستەی بەرزاییەکانی سنوورەکە جووڵەی پێ نەکراوە و هەر ئەو هێزەی پێشمەرگەی لێن کە ماوەیەکە لەوێ بنکە و بارەگاکانیان نوێ کردووەتەوە."
لای خۆیەوە، مەغدید عەریف ئەحمەد، قایمقامی خەلیفان بە رووداوی راگەیاند، "ئاگاداری هیچ جووڵەپێکردن و زیادکردنێکی هێزی پێشمەرگە نین لەو سنوورە."
زنجیرە چیای هەورێ دەکەوێتە سنووری ناحیەکانی بالیسان و خەلیفان لەسەر لووتکەکەی کە کلاو قاسمە؛ لە رابردوودا و تائیستا چەند بنکەیەکی پێشمەرگەی پارتی لێن و لە ماوەی دوو مانگی رابردوودا یەکێتیش لە بەرامبەر ئەو بنکانەی پێشمەرگەی پارتی، چەند بنکەیەکی کردنەوە و هێزی پێشمەرگەی لیوای راپەڕینی تێدا جێگیر کردن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ