رووداو دیجیتاڵ
لە ئەنجامی وەرگەڕانی پاسێک لە کرماشان و روودانی رووداوێکی دیکەی هاتووچۆ لە پارێزگای لوڕستان 19 کەس بریندار بوون.
ئێوارەی دوێنێ هەینی 02-11-2024 لەسەر رێگەی ئەزنای سەر بە پارێزگای لوڕستانی رۆژهەڵاتی کوردستان، پاسێک لەگەڵ دوو ئۆتۆمبێلی تایبەت لە جۆری پیژۆ و تیبا پێکیاندادا.
بەگوێرەی مانگی سووری لوڕستان، 7 کەس لە رووداوەکەدا بریندار بوون و گوێزرانەوە نەخۆشخانە.
هەروەها هەر دوێنێ لە نزیک شاری هەڵەشیی پارێزگای کرماشان، پاسێک وەرگەڕا و لە ئەنجامدا 12 کەس بریندار بوون.
مەسعود قەلعەسفیدی، بەڕێوەبەری فریاکەوتنی خێرای پارێزگاکە رایگەیاند، بریندارەکان گوێزراونەتەوە نەخۆشخانە و باری تەندروستییان باشە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ