رووداو دیجیتاڵ
هۆشیار زێباری، ئەندامی دەستەی کارگێڕیی مەکتەبی سیاسیی پارتی دیموکراتی کوردستان رایگەیاند، سەرەتای ساڵی 2026، دەستپێکێکی سەخت بوو بۆ جیهانی نوێ و دەڵێت، "ئەوەی دێت، گەورەترە."
ئەندامەکەی دەستەی کارگێڕیی مەکتەبی سیاسیی پارتی لە تۆڕی کۆمەڵایەتیی ئێکس نووسیویەتی، "لە شەڕی باشووری یەمەن لەسەر هەژموون و ناڕەزایەتییەکانی ئێرانەوە بگرە تاوەکو رووبەڕووبوونەوەی ئەمریکا لە ڤەنزوێلا و دەستگیرکردنی سەرۆکەکەی لە ئۆپەراسیۆنێکی سەربازیی خێرای ئەمریکیدا، هەروەها گرژی و ئاڵۆزییە هەرێمییەکانی رۆژهەڵاتی نێوەڕاست، هەموویان ئاماژەن بۆ ئەوەی کە ئەوەی دێت، گەورەترە."
هۆشیار زێباری ئاماژەی بەوەش کردووە، میدیای عەرەبی وەک پێویست گرنگی بە رووداوەکانی ئێران و ڤەنزوێلا نەداوە و دەڵێت، "رووداوە دراماتیکییەکانی خۆپێشاندانەکانی ئێران و رووداوە سەربازییەکانی ئەمریکا لە ڤەنزوێلا، وەک پێویست لە کەناڵە ئاسمانییە عەرەبییەکاندا گرنگییان پێنەدرا و بە شێوەیەکی سەرەکی سەرنجیان لەسەر ئۆپەراسیۆنەکانی باشووری یەمەن لە حەزرەمەوت بوو."
بە بڕوای هۆشیار زێباری، بەهۆی گرنگینەدان بەو رووداوانە، "وێنە گەورەکەی هەرێمەکە و جیهانیان لەدەستچوو و وێنە گشتییەکەی رووداوە گرنگەکان ون بوو."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ