هەڵەیەک روویدا! دووبارە هەوڵبدە
کوردستان
چەند کارمەندێک لە وێستگەیەکی کارەبا لە هەرێمی کوردستان. وێنەکە بۆ روونکردنەوەی هەواڵەکەیە: بڵند تاهیر - رووداو/ئەرشیڤ
رووداو دیجیتاڵ
گواستنەوەى 90 مێگاوات کارەبا لە گەرمیانەوە بۆ خانەقین و دەوروبەرى تەواو بوو. گواستنەوەکە بەگوێرەى گرێبەستێکە لەنێوان وەزارەتەکانى کارەباى هەرێمى کوردستان و عێراق.
بەگوێرەى راگەیێندراوێکى کۆمپانیاى گشتیى دابەشکردنى کارەباى ناوەڕاست، ئەو هێڵە بۆ گواستنەوەى کارەبا لەنێوان هەرێمى کوردستان و پارێزگاى دیالە خراوەتەکار، بۆ قۆناخى یەکەمیش 90 مێگاوات لە رێگەى هێڵى گواستنەوەى کەلار – سەید جابر دەگوێزێتەوە.
حازم کەریم، بەڕێوەبەرى گشتیى کارەباى گەرمیان بە تۆڕى میدیایی رووداوى راگەیاند، "گرێبەستى گواستنەوەى ئەو کارەبایە لەگەڵ کۆمپانیاى تۆرۆس کراوە، کە بەرهەمهێنەرى کارەبایە لە وێستگەى بازیان. ئەو بڕە کارەبایەى بە دیالەى دەفرۆشێت زیادەى پێویستییەکەیەتى. ئەو رێککەوتنە بە ئاگاداریى هەردوو وەزارەتى کارەباى هەرێمى کوردستان و حکومەتى فیدراڵى بووە."
کارەباکە دەگەیێندرێتە چوار وێستگەی جەلاوى جێگیر، باکوورى جەلەولا، قەرەتەپە و کەشکۆڵ.
ئەو گرێبەستە کارەبا بۆ قەزاى خانەقین و ناوچەکانى دەوروبەرى دابین دەکات.
بەڕێوەبەرى گشتیى کارەباى گەرمیان رایگەیاند: لە 2ى حوزەیرانەوە گواستنەوەى ئەو کارەبایە خراوەتەکار و لە رێگەى هێڵى 130 کەى ڤى گەرمیانەوە دەگوێزرێتەوە. سەرەتا 59 مێگاوات کارەباى پێدا گوێزرایەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ