رووداو دیجیتاڵ
هۆشیار زێباری لەبارەی راگرتنی مووچەی فەرمانبەران و مووچەخۆرانی هەرێمی کوردستان هۆشداری دەدات و دەشڵێت: "لە کاتێکی زۆر خراپدایە"
رۆژی سێشەممە سێی حوزەیرانی 2025، هۆشیار زێباری، ئەندامی دەستەی کارگێڕی مەکتەبی سیاسی پارتی دیموکراتی کوردستان لە هەژمارەی ئێکسی خۆیدا نووسی: "بڕیاری حکومەتەکەی بەڕێز سوودانی و چوارچێوەی هاوئاهەنگی بە راگرتنی ناردنی مووچەی فەرمانبەرانی هەرێمی کوردستان لە کاتێکی زۆر خراپدایە و بۆ سزادانی بەکۆمەڵ و برسیکردنی بەکۆمەڵی هاونیشتمانییانی هەرێمە، ئەوەش لە رێگەی پەنابردن بۆ بیانووی دارایی و کارگێڕی. ئەو هەنگاوە بە ئاسانی و بێ سزا تێناپەڕێت و لێکەوتەی دەبێت".
هۆشیار زێباری دەشڵێت: "ئێمە لە شارێکی نموونەییدا ناژین و مێژووی سیاسیی ئێمەش ئەوە نیشان دەدات کە دەستدرێژیکار سزا دەدرێت."
تاوەکو ئەمڕۆ مووچەی مانگی ئایاری فەرمانبەرانی هەرێمی کوردستان نەنێردراوە.
28-5-2025 تەیف سامی، وەزیری دارایی عێراق نووسراوێکی ئاراستەی حکومەتی هەرێمی کوردستان کرد و تێیدا هاتبوو کە وەزارەت ناتوانێ لە ناردنی پارە بۆ هەرێمی کوردستان بەردەوام بێ، بەهۆی "تێپەڕاندنی پشکەکەی (12.67%) کە لە یاسای بودجەی فیدراڵیدا دیاریکراوە."
29-5-2025 وەزارەتی دارایی هەرێمی کوردستان راگەیێندراوێکی بە زمانی عەرەبی وەک وەڵامێک بۆ تەیف سامی بڵاوکردەوە و تێیدا هاتبوو: "ئەو رێڕەوەی وەزارەتەکەتان گرتوویەتییەبەر لە دیاریکردنی پشکی هەرێمی کوردستان پێچەوانەی دەستووری عێراقە؛ دیاریکردنی پشکی هەرێمی کوردستان دەبێت پشت بە داهاتە فیدراڵییە کۆکراوەکان ببەستێت نەک خەرجی کردەیی".
![محەممەد ئەمین بۆزئەرسلان [لای راست] و نێچیرڤان بارزانی.](https://www.rudaw.net/s3/rudaw.net/ContentFiles/932975Image1.jpg?mode=crop&quality=70&rand=1&scale=both&w=362&h=226&version=8475373 "محەممەد ئەمین بۆزئەرسلان [لای راست] و نێچیرڤان بارزانی.")
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ