رووداو دیجیتاڵ
دامەزراوەی ئاماری تورکیا (TÜİK) لەڕێگەی بەدواداچوونێکەوە کە کرێ، نرخی خۆراک، گواستنەوە و وزەی لەبەرچاو گرتووە، هەرزانترین شارەکانی تورکیا و باکووری کوردستانی بۆ ژیان دیاریکرد.
شارەکانی ئاگری، شرنەخ و ئەردەخان لە باکووری کوردستان و شاری ئاماسیای تورکیا بەهۆی نرخی "گونجاو"ی خانووبەرە، کەمیی تێچووی گواستنەوە و خەرجییە سەرەکییەکانەوە وەک گونجاوترین و هەرزانترین شارەکان بۆ کەسانی خاوەن داهاتی جێگیر و خانەنشینان دیاری کراون.
بەرزیی رێژەی هەڵاوسان و گرانبوونی تێچووی ژیان لە باکووری کوردستان و تورکیا هاووڵاتییانی ناچارکردووە بەدوای ئەو شارانەدا بگەڕێن کە دۆخی ژیانی گونجاوتریان هەیە.
ئاگری وەک بژاردەیەکی سەرنجڕاکێش بۆ هاووڵاتیانی خاوەن داهاتی جێگیر و خانەنشینان دەردەکەوێ. شارەکە بە نرخی گونجاوی کرێ و کەمیی خەرجییەکانی گواستنەوە سەرنجی خەڵکی راکێشاوە.
ئەردەخان بەهۆی ئەو ئاسانکارییانەی لە بواری گواستنەوە و بەرهەمە سەرەکییەکانی بەکاربردن پێشکێشی دەکات لە لیستەکەدایە، بەتایبەتی نرخی سەوزە و میوە کە بەراورد بە شارە گەورەکان 40٪ هەرزانترە.
شرنەخ بەهۆی زیادبوونی وەبەرهێنان لە ژێرخان و بواری ئاسایش، لە لیستەکەدا هاتووە.
ئاماسیا بە کەمیی کرێ و خەرجییەکانی خۆراک ناسراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ