رووداو دیجیتاڵ
دەزگای ئاسایشی هەرێم، رایدەگەیێنێت، دوای بەدواداچوون و کۆکردنەوەی زانیاریی ورد، توانیویانە ئەو کەسانە دەستگیر بکەن کە تەقەیان لە رۆژنامەڤان هێمن مامەند کردووە.
بەپێی ئاسایش، دوو کەس هەستاون بە کارەکە کە دانیشتووی بنەسڵاوەی هەولێر بوون و ناویان ( ش، ر، م، س ) و ( س، هـ، ر، م)ـە.
ئاسایش ئاماژەی بەوەشکردووە، دوو تۆمەتباری دیکە لە ئەنجامدەرانی تاوانەکە بەرەو پارێزگای هەولێر هەڵاتوون. مەبەستی کارەکەش "بەرنامە داڕێژراوبووە بۆ تاوانێکی رێکخراو و مەبەستیان تیرۆرکردنی چالاکوان و رۆژنامەنووس (هێمن مامەند) بووە."
شەوی 2ـی ئەیلوولی ئەم ساڵ، لە گەڕەکی عەقاریی سلێمانی تەقە لە هێمن مامەند کرا و بریندارکرا. ئەوانەی تەقەیان لێکرد، لەسەر ماتۆڕسوار بوون.
تەقەکەر و کەسەکانی دیکە بەپێی مادەی 406 لە یاسای سزادانی عێراقی فەرمانی دەستگیرکردنیان بۆ دەرچووبوو.
دەزگای ئاسایشی هەرێم رایگەیاندووە، لە داهاتوودا وردەکاریی پیلانەکە و زانیاری لەسەر بکەرانی ئەو "هەوڵی تیرۆرکردنە" بۆ رای گشتی دەخەنەڕوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ