رووداو دیجیتاڵ
ژمارەیەک ماسیی گەورە لە دەریاچەی دەربەندیخان لەنێوچوون. قایمقامی قەزاکە دەڵێت، "لێکۆڵینەوە دەکەن."
سلێمان محەممەد، قایمقامی قەزای دەربەنەیخان، ئەمڕۆ سێشەممە بە تۆڕی میدیایی رووداوی گوت، "ماسییەکان گەورەن و لە حەوزێکی نێو دەریاچەکەدا لەنێوچوون."
بەگوێرەی ئەو دیمەنانەی لە تۆڕە کۆمەڵایەتییەکان بڵاوبوونەتەوە، ماسییەکان زۆرینەیان کێشیان دەگاتە کیلۆگرامێک و زیاتر.
قایمقامی دەربەندیخان گوتی، "ماسییەکان ماسیی دەریاچەکە نین، بەڵام کەسێک حەوزی لەنێو دەریاچەکەدا دروستکردووە و ماسیی ئەون، تاوەکو ئێستا هۆکاری لەنێوچوونەکە نازانین."
قایمقامی دەربەندیخان لیژنەیەکی ناردووە بۆ دەریاچەی دەربەندیخان بۆ زانینی ژمارەی ماسییە لەنێوچووەکان و هۆکاری لەنێوچوونیان.
1ی ئەیلوولی ئەم ساڵیش، لە بەنداوی دەربەندیخان نزیکەی 6 هەزار ماسی مردن و سەرئاو کەوتن. قایمقامی قەزاکە ئەوکات بە رووداوی گوت، "ماسییەکان بە بچووکی تێکەڵی حەوزی ماسی بوون و بەهۆیەوە لەنێوچوون."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ