کوردستان
چەند پێشمەرگەیەکی زێرەڤانی لە شەقامێکی هەولێر بۆ جێبەجێکردنی قەدەخەی هاتووچۆ. وێنە؛ بڵند تاهیر
رووداو-سلێمانی
سەرۆكی لیژنەی كاروباری پێشمەرگە لە پەرلەمانی كوردستان دەڵێت هێزی پێشمەرگە یەكێكە دەبێت لە سوودمەندە سەرەکییەکانی یاسای چاکسازی، چونكە "بەناوی پێشمەرگەوە زۆر پلە بەخشراوەتە كەسانێك كە شایستەی نەبوون".
رێڤینگ هروری، سەرۆكی لیژنەی كاروباری پێشمەرگە لە پەرلەمانی كوردستان بە (تۆڕی میدیایی رووداو)ی راگەیاند، جێبەجێكردنی پڕۆژە یاسای چاكسازی سوودی زۆری دەبێت و یەكێك لە سوودمەندەكانی هێزی پێشمەرگەی كوردستانە، چونكە كەسانێكی زۆر بەناوی پێشمەرگەوە پلە و پایە و شایستەی داراییان پێدراوە كە شایەنی نەبوون".
سەرۆكی لیژنەی كاروباری پێشمەرگە لە پەرلەمانی كوردستان ئەوەشی خستەڕوو، "جێبەجێكردنی یاسای چاكسازی دەبێتە هۆی یەكخستنی یەكەی ژمێریاری پێشمەرگە كە ئێستا زیاد لە یەكەیەكی ژمێریاری هەیە".
سەبارەت بەوەش بەجێبەجێكردنی یاساكە، مانگانە چەند بودجە بۆ حكومەت دەگەڕێتەوە؟ رێڤینگ هرووری گوتی: "تاوەكو یاساكە نەچێتە بواری جێبەجێكردنەوە دیار نییە چەند بودجە دەگەڕێتەوە، بەڵام لەو بڕوایەدا نیم بودجەیەكی زۆر بێت".
رۆژی سێشەممە (04-02-2020) نێچیرڤان بارزانی، سەرۆكی هەرێمی كوردستان یاسای چاكسازی لە مووچە، دەرماڵە، بەخشین، ئیمتیازاتەكان پەسند كرد ئەمەش دوای ئەوەی ئەنجوومەنی وەزیران یاساكەی ئامادەكردبوو ناردیە پەرلەمان و پەرلەمانی كوردستانیش لە رۆژی 16-01-2020 پەسندیكرد.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ