وێنەی دوو گەنجە کوژراوەکە
رووداو دیجیتاڵ
لە رووداوێکی تەقەکردندا لە شاری هەڵەبجە دوو هاونیشتمانی کوژران.
سمکۆ سالار، قایمقامی هەڵەبجە بە تۆڕی میدیایی رووداوی گوت: "لە رووداوەکەدا جگە لە کوشتنی دوو کەس، کەسێکی دیکەش بریندارە".
ئاکام محەممەد، گوتەبێژی پۆلیسی هەڵەبجە بە تۆڕی میدیایی رووداوی گوت: "قوربانییەکان رەوانەی فریاکەوتنی هەڵەبجە کراون، لێکۆڵینەوە دەکەین و زانیاری زیاتر دەخەینەڕوو.
رووداوەکە کاژێر 03:00ـی بەرەبەیانی ئەمڕۆ سێشەممە لە گەڕەکی فەرمانبەران لە هەڵەبجە روویداوە.
لەبارەی رووداوەکەوە بەڕێوەبەرایەتی پۆلیسی پارێزگای هەڵەبجە لە راگەیێندراوێکدا رایگەیاند: "دوو کەس بە ناوەکانی (ب، ج، ف) تەمەن 20 ساڵ و (ش، م، ا). هەروەها کەسێکی 31 ساڵ بە ناوی (پ. م . ت) بریندار بووە".
پۆلیسی هەڵەبجە ئاماژەی بەوەکردووە، دوو تۆمەتبار بە تۆمەتی رووداوەکە دەستگیرکراون و بە گوێرەی مادەی 406ـی تایبەت بە کوشتن دەدرێنە دادگە.
سازگار سەڵاح، پەیامنێری رووداو لە هەڵەبجە لەبەردەم دادپزیشکیی شارەکەوە رایگەیاند: "تەمەنی ئەو دوو گەنجەی کوژراون، لەنێوان 18 بۆ 20 ساڵاندایە."
لەبارەی شوێنی رووداوەکەوە سازگار سەڵاح باسی لەوەکرد، کە گەنجەکان لە بەردەم ماڵی خۆیاندا دانیشتوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ