رووداو دیجیتاڵ
هاوسەرۆکی شارەوانیی قەندیل بە تۆڕی میدیایی رووداوی گوت، ئێوارەی ئەمڕۆ ئۆتۆمبێلێکی بارهەڵگر لەبەردەم بینای شارەوانیی قەندیل بۆردوومان کرا و هیچ زیانی گیانی نەبووە.
دڵشێر ئیبراهیم، هاوسەرۆکی شارەوانیی قەندیل بە رووداوی گوت، شۆفێری بارهەڵگرەکە ئۆتۆمبێلەکەی لە نزیک شارەوانیی قەندیل راگرتبوو و جێی هێشتبوو، بۆیە تەنیا زیان بە ئۆتۆمبێلەکە و باڵەخانەی شارەوانیی قەندیل گەیشتووە.
بەگوتەی هاوسەرۆکی شارەوانیی قەندیل، بەهۆی بۆردومانەکەوە تانکیی گازی ئامێرەکانیان ئاگری گرتووە و زیان بە بینای شارەوانی و دەوروبەری گەیاندووە، بەڵام لە بۆردوومانەکەدا هیچ کەسێک گیانی لەدەستنەداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ