رووداو دیجیتاڵ
مەسرور بارزانی پێشوازی لە شاندێکی رەوەندی کوردی نیشتەجێی ئەورووپا کرد کە لە 100 گەنجی کورد و ژمارەیەک گەنجی بیانی پيکهاتبوو.
حکومەتی هەرێمی کوردستان لەبارەی دیدارەکە دەڵێت، مەسرور بارزانی، سەرۆکوەزیرانی هەرێمی کوردستان ئاماژەی بە گرنگیی رۆڵی رەوەندی کوردی لە دەرەوەی وڵات کرد لە ناساندنی زیاتری پرسی کورد و پشتیوانیکردنی مافە رەواکانی خەڵکی کوردستان.
بەگوێرەی راگەیێندراوەکە، مەسرور بارزانی داوای لە گەنجانی کورد کرد "پارێزگاری لە کولتوور، زمان و ناسنامەی نەتەوەیی خۆیان بکەن و ببنە پردی پەیوەندیی لەگەڵ کوردستان."
مەسرور بارزانی داوایشی کرد، "نموونەیەکی باش، جوان و سەرکەتوو بن لە نێو ئەو کۆمەڵگانەی تێیدا دەژین و سوود لەو دەرفەتانە وەربگرن کە لە دەرەوە هەن بۆ خۆپێگەیاندن و پێشخستنی تواناکانیان."
سەرۆکوەزیرانی هەرێمی کوردستان تیشکیشی خستە سەر چاکسازییەکانی حکومەتی هەرێمی کوردستان لە هەموو کەرتەکاندا لەپێناو بنیاتنانی ژێرخانێکی بەهێزی ئابووری لە هەرێمی کوردستان.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ