رووداو دیجیتاڵ
لە سلێمانی "لەماوەیەکی نزیکدا کامێرای چاودێری لە پاسەکانی خوێندکاران دادەنرێت."
ئەمڕۆ (سێشەممە، 5ـی تشرینی یەکەم) رائید دانا عوسمان، نوێنەری هاتووچۆ لە لیژنەکانی قایمقامیەتی سلێمانی بە تۆڕی میدیایی رووداو راگەیاند، "لە ماوەیەکی نزیکدا، هەموو پاسەکانی هاتووچۆی خوێندکاران لە سلێمانی، کامێرای چاودێرییان تێدا دادەنرێت."
نوێنەری هاتووچۆ لە لیژنەکانی قایمقایەتی سلێمانی دەڵێت، "ئامانجی دانانی ئەم کامێرایانە بۆ دیاربوونی کاتی هاتووچۆی قوتابیان و خوێندکارانە، تاوەکو بزانرێت هاتن و چوونیان چەند کات دەخایێنێت، لە کوێ دەردەچن و بۆ کوێ."
لە هەرێمی کوردستان، زیاتر له یەک ملیۆن و 720 هەزار قوتابیی لە قوتابخانە حکومی و زیاتر لە 132 هەزار قوتابی لە قوتابخانە ناحکومییەکان دەخوێنن. ژمارەیەک لەو خوێندکارانە بە ئۆتۆتۆمبێل هاتووچۆ دەکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ