رووداو دیجیتاڵ
سەرۆکی حکومەتی هەرێمی کوردستان پێشوازی لە باڵیۆزی نەمسا لە عێراق کرد و تاوتوێی "گۆڕانکارییەکانی دۆخی گشتیی عێراق و بە تایبەتی ئامادەکارییەکان بۆ هەڵبژاردنەکانی داهاتوو لە عێراق" کرد.
رۆژی پێنجشەممە، 6ـی ئاداری 2025، مەسرور بارزانی، سەرۆکوەزیرانی هەرێمی کوردستان و ئەندریا ناسی، باڵیۆزی نەمسا لە عێراق کۆبوونەوە.
بە گوێرەی راگەیێندراوێکی حکومەتی هەرێمی کوردستان، هەردوولا جەختیان لە پەرەپێدانی پەیوەندییەکان لە بوارە جۆراوجۆرەکاندا کردەوە.
"دوایین پێشهات و گۆڕانکارییەکانی دۆخی گشتیی عێراق و بە تایبەتی ئامادەکارییەکان بۆ هەڵبژاردنەکانی داهاتوو لە عێراق" تەوەرێکی دیکەی گفتوگۆکانی سەرۆکوەزیرانی هەرێمی کوردستان و باڵیۆزی نەمسا لە عێراق بوون.
لە راگەیێندراوەکەی حکومەت دا هاتووە: "باڵیۆزی نەمسا سوپاسی سەرۆکی حکومەتی کرد بۆ هاوکاری و هاوئاهەنگیکردنی حکومەتی هەرێم [ـی کوردستان] لەگەڵ باڵیۆزخانەی وڵاتەکەی."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ