رووداو - هەولێر
سەرۆکایەتیی شارەوانیی هەولێر هەڵمەتێکی چاندنی گوڵی دەستپێکردووە، سهرۆكی شارەوانی هەولێریش دەڵێت گوڵەکان بەرهەمی نەمامگەی نموونەیی هەولێرن و هەڵمەتەکەش بەردەوام دەبێت.
ئەندازیار عەبدولواحید ئەحمەد، سەرۆکی شارەوانیی هەولێر بە (تۆڕی میدیایی روودا)ی راگەیاند: "ئەمڕۆ هەزاران گوڵمان لەنێو شاری هەولێر چاند، ئەم هەڵمەتەش بەردەوام دەبێت و 100 هەزار گوڵ لە سەنتەری شاری هەولێر دەچێنین، دەمانەوێت لەو رێگەیەوە لەم دۆخە نەخوازراوەی بڵاوبوونەوەی ڤایرۆسی کۆرۆنا و دڵتەنگی هاونیشتمانیان پێیان بڵێین ژیان بەردەوامە و شەقام و باخچەکان بە گوڵ دەڕازێنینەوە".
سەرۆکایەتی شارەوانی هەولێر گوتیشی: "گوڵهكان خۆماڵین و بەرھەمی نەمامگەی نموونەیی سەر بە بەڕێوەبەرایەتی گشتی ئەندازەیی پارك و باخچەكانن".
سەرەڕای قەدەخەی هاتووچۆ بەهۆی بڵاوبوونەوەی ڤایرۆسی کۆرۆنا، بەڵام شارەوانییەکان لە کارەکانیان بەردەوامن. عەبدولواحید ئەحمەد دەڵێت: "لەپاڵ ئەم هەڵمەتی نەمامچاندنە، تیمەکانی شارەوانیی هەولێر بەردەوامن لە کۆکردنەوەی زبڵ و خاشاك، چاككردنەوەی چاڵی شەقامەکان، لادانی زێدەڕۆیی، رشاندنی دژە ڤایرۆس و چالاکییەکانی دیکەش".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ