هەڵەیەک روویدا! دووبارە هەوڵبدە
رووداو دیجیتاڵ
بەڕێوەبەرایەتیی گشتیی حەج و عومرەی هەرێمی کوردستان ئاگادارییەک بۆ کۆمپانیاکانی گواستنەوە بڵاودەکاتەوە و رایدەگەیێنێت، هەر کۆمپانیایەک دەیەوێت کەلوپەلی حاجیان لە مەککەوە بگوازێتەوە بۆ کوردستان، دەتوانێت بەشداری لە کەمکردنەوە (تەندەر)ـدا بکات.
ئەمڕۆ چوارشەممە 7-1-2026، کاروان ستوونی، گوتەبێژی بەڕێوەبەرایەتیی حەج و عومرەی هەرێمی کوردستان بە تۆڕی میدیایی رووداوی راگەیاند، ئاگاداری سەرجەم کۆمپانیاکانی گواستنەوەی کەلوپەل دەکەنەوە، هەر کۆمپانیایەک دەیەوێت بەشداربێت لە کەمکردنەوە [تەندەر]ی هێنانەوەی کەلوپەلی حاجیان لە شاری مەککەوە بۆ گشت پارێزگا و ئیدارە سەربەخۆکانی هەرێمی کوردستان، دەتوانێت سەردانیان بکات.
سەبارەت بە چۆنیەتیی بەشداریکردن، گوتەبێژی بەڕێوەبەرایەتیی حەج و عومرە گوتی: "کۆمپانیاکان دەتوانن لە ئەمڕۆوە بە مەبەستی وەرگرتنی تەندەر، سەردانی بەشی یاسایی و گرێبەستەکان لە بەڕێوەبەرایەتیی گشتیی حەج و عومرە بکەن."
کاروان ستوونی ئاماژەی بەوەش کرد، دواکات بۆ وەرگرتن و گەڕانەوەی تەندەرەکە، کاژێر 11:00ـی پێشنیوەڕۆی رۆژی یەکشەممەی هەفتەی داهاتوو دەبێت.
رۆژی 16-11-2025 تیروپشکی ناوی حاجیان بۆ وەرزی حەجی ئەم ساڵ راگەیێندرا، کە پشکی هەرێمی کوردستان 5 هەزار و 135 کەسە. پرۆسەی ناونووسین لە ئەیلوولی ساڵی رابردوو بەڕێوەچوو و تێیدا 89 هەزار و 893 کەس ناویان تۆمار کردبوو.
![محەممەد ئەمین بۆزئەرسلان [لای راست] و نێچیرڤان بارزانی.](https://www.rudaw.net/s3/rudaw.net/ContentFiles/932975Image1.jpg?mode=crop&quality=70&rand=1&scale=both&w=362&h=226&version=8475373 "محەممەد ئەمین بۆزئەرسلان [لای راست] و نێچیرڤان بارزانی.")
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ