هەڵەیەک روویدا! دووبارە هەوڵبدە
هێمن کەرەم، ئەو گەنجەی لە هەولێر ئاسن بەر سەری کەوت و گیانی لەدەستدا
رووداو دیجیتاڵ
کارمەندی یەکێک لە شاری یارییەکانی هەولێر لەکاتی رزگارکردنی منداڵێکدا کە گیری خواردبوو، ئاسنێکی بەسەردا کەوت و گیانی لەدەستدا.
رووداوەکە کاژێر 22:00ـی ئەمشەو روویدا؛ شاری یارییەکە لە یەکێک لە مۆڵەکانی نێو هەولێرە و گەنجێکی تەمەن 19 ساڵ کە ماوەی سێ رۆژ بووە وەکو کارمەند وەرگیرابوو، ویستوویەتی منداڵێک کە لەنێو یەک لە یارییەکاندا گیری خواردبوو، رزگار بکات، بەڵام لەو کاتەدا ئاسنێک بەر سەری دەکەوێت و تووشی خوێنبەربوون دەبێت.
ئەو کارمەندە ناوی هێمن کەرەم و خوێندکاری کۆلێژی کارگێڕی و ئابووری – بەشی ژمێریاریی زانکۆی سەڵاحەدین بوو؛ دوای برینداربوونی گوێزرایەوە بۆ نەخۆشخانە، بەڵام گیانی لەدەستدا و ئێستا تەرمەکەی لە دادپزیشکی هەولێرە.
کەسوکاری ئەو گەنجە لە دەڤەری بارزانەوە بەڕێکەوتوون و هەر ئەمشەو نیازیان هەیە تەرمەکەی لە دادپزیشکی هەولێر وەربگرنەوە و بیگەڕێننەوە بۆ زێدی خۆی و لە کۆمەڵگەی وڵاتژێری و بەخاکی بسپێرن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ