هەڵەیەک روویدا! دووبارە هەوڵبدە
رووداو دیجیتاڵ
دەزگاى دژەتیرۆرى عێراق رایدەگەیێنێت، لە سنوورى ناحیەى پردێى سەر بە پارێزگاى کەرکووک رووبەڕووبوونەوە لەگەڵ چەکدارانى داعش روویداوە و ژمارەیەک لە چەکدارەکانی داعش کوژراون.
رۆژی 7ى تەمموزى 2023، دەزگاى دژەتیرۆرى عێراق لە راگەیێندراوێکدا ئاشکرایکرد، شەوى رابردوو ئۆپەراسیۆنێکیان لە رێگەى دابەزینى ئاسمانى لە گوندى کتکەى ناحیەى پردێ کردووە و لەگەڵ چەکدارانى داعش رووبەڕووبوونەوەى "تووند" روویداوە.
بەگوێرەى راگەیێندراوەکە، لەو پێکدادانەدا ژمارەیەک چەکدارى داعش کوژران و دواتر زانیارى ورد لەبارەى ئەو رووبەڕوبوونەوەیە بڵاو دەکەنەوە.
ناحیەى پردێ، ناوچەیەکى کوردستانى دەرەوەى هەرێمى کوردستانە و دەکەوێتە باکوورى شارى کەرکووک و باشوورى هەولێرى پایتەختى هەرێمى کوردستان.
بەپێی زانیارییەکانی هیوا حوسامەدین، پەیامنێری رووداو کە لە بەرپرسانی ئەمنیی کەرکووکی وەرگرتووە، لەو رووبەڕووبوونەوەیەدا پێنج چەکداری داعش کوژراون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ