رووداو دیجیتاڵ
بەهۆی رەشەبای شەوی رابردووەوە، لە شاری سلێمانی زیان بەر چەندین دار و ستوونی کارەبا کەوت. کارەبای سلێمانی رایگەیاند، لە چەند گەڕەکێک کارەبا بڕاوە.
ئەنوەر حەمەسەعید، بەڕێوەبەری گشتیی کارەبای سلێمانی، ئەمڕۆ بە تۆڕی میدیایی رووداوی گوت، "ژمارەیەک فیدەرمان شۆرتیان کردووە و بەهۆیەوە کارەبا لە چەند گەڕەکێک بڕاوە."
بەڕێوەبەری کارەبای سلێمانی گوتی، "تیمی چاککردنەوە نێردراون و سەرقاڵی چاککردنەوەن؛ لە زووترین کاتدا کارەبا دەدرێتەوە ئەو گەڕەکانەی کارەبایان بڕاوە."
بەڕێوەبەرایەتی کارەبای سلێمانی رایگەیاند، "بەهۆی رەشەباوە چەند گەڕەک و ناوچەیەک کارەبایان بڕاوە." بەگوێرەی راگەیێندراوەکە، لەنێو شارەکەدا 19 فیدەر و لە دەرەوەی شار 6 فیدەر کێشەیان بۆ دروستبووە.
هەر بەهۆی خێرایی با لە شەوی رابردوو، ژمارەیەک دار لە گەڕەکە جیاوازەکانی سلێمانی شکاون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ