رووداو دیجیتاڵ
لە هێرشێکدا لە قامشلۆی رۆژئاوای کوردستان، ئەندامێکی هەواڵگریی سەربازیی سووریا کوژرا و یەکێکی دیکە بریندار بوو.
بەگوێرەی زانیارییەکانی رووداو، درەنگی شەوی رابردوو، لە گوندی سوێدیەی قامشلۆ چەند گەنجێک رێگەیان لە کاروانێکی سەربازیی سووریا گرتووە و هێرشیان کردوونەتە سەر، لە ئەنجامدا ئەندامێکی هەواڵگریی سووریا کوژراوە و یەکێکی دیکەش بریندار بووە.
بەپێی زانیارییەکانی رووداو، دوای هێرشەکە، هێرشکارەکان بۆ شوێنێکی نادیار هەڵاتوون.
میدیای نزیک لە بەڕێوەبەرایەتیی خۆسەر دەڵێت، ئەو کاروانە سەربازییە لەکاتی تێپەڕبوونیاندا هاووڵاتییانی گوندەکانی قامشلۆیان بێزارکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ