رووداو دیجیتاڵ
هێزە ئەمنییەکانی تورکیا لە نسێبین بکوژی دوو خوشکە سوورییەکەیان دەستگیرکرد، کە سێ رۆژ لەمەوبەر لە ماڵەکەی خۆیاندا کوژران؛ دەرکەوتووە بکوژەکە هاوژینی یەکێک لە قوربانییەکان بووە.
دوای لێکۆڵینەوەی چڕ لە رووداوی کوشتنی دوو ژن لە شارۆچکەی نسێبینی سەر بە پارێزگای مێردینی باکووری کوردستان، شەوی رابردوو (چوارشەممە، 7-1-2026) هێزە ئەمنییەکان تۆمەتبارێکیان بەناوی (م. ب.) دەستگیرکرد.
درەنگانی شەوی یەکشەممەی رابردوو 4-1-2026، لە گەڕەکی 8ـی ئاداری نسێبین، تەرمی دوو خوشک بەناوەکانی (سوهەیلا ئۆزداش - 44 ساڵ) و (سومەیە خالید عەبیرە - 41 ساڵ) کە هەڵگری وڵاتینامەی سووری بوون، لە ماڵەکەی خۆیاندا دۆزرانەوە.
بەگوێرەی لێکۆڵینەوەکان و پشکنینی کامێراکانی چاودێریی ناوچەکە، دەرکەوتووە بکوژەکە ناوی (م. ب.)ـە و تەمەنی 59 ساڵە و هاوژینی (سومەیە خالید) بووە.
تۆمەتبارەکە دوای تاوانەکە هەڵاتبوو، بەڵام دوای سێ رۆژ دەستگیرکرا و ئێستا رێکارە یاساییەکان بەرامبەری دەستیپێکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ