دیمەنێکی رووداوەکە.
رووداو دیجیتاڵ
رووداوێکی هاتووچۆی خوێناوی ئێوارەی ئەمڕۆ (کاژێر 06:40) لەسەر رێگەی کەرکووک - بەغدا رووداوێکی هاتووچۆ روویدا، بەگوێرەی پەیامنێری رووداو 7 کەس گیانیان لەدەستداوە.
ئۆتۆمبێلەکە لە شاری هەولێرەوە گەڕاوەتەوە بەغدا و کۆنترۆڵی لەدەستداوە و 7-8 تەقڵەی لێداوە. بەگوێرەی پەیامنێری رووداو هەموو ئەوانەی گیانیان لەدەستداوە ئەندامی یەک خێزانن.
شوان محەممەد، بەڕێوەبەری پۆلیسی کەرکووک رووداوەکە بۆ خێرایی شۆفێرەکە دەگەڕێنێتەوە و دەڵێت، "ئەگەر تەواوی مەرجەکانی رێگەوبان و هاتووچۆشی تێدا بێت، ئەگەر شۆفێرەکە 140-150 لێبخوڕێت ئەم رووداوانەی لێدەکەوێتەوە."
رووداوەکە لە شەقامی پشتێنەی کەرکووک روویداوە. هاتووچۆی کەرکووک دەڵێت، زۆرترین رووداو لە شارەکە لەم شەقامە روودەدەن، ئەمەش بەهۆی نەبوونی کامێڕای تیژرۆیی، خراپی رێگاکە و نەبوونی رووناککەرەوە لە شەقامەکە.
لە ماوەی رابردووشدا چەندین رووداوی هاوشێوە لە شەقامەکە روویانداوە. نزیکەی 20 رۆژ لەمەوبەر لە رووداوێکی دیکەدا دوو کەس گیانیان لەدەستدا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ