رووداو دیجیتاڵ
بڕیارە ئەمڕۆ کۆنفرانسێکی نێودەوڵەتیی تایبەت بە گۆڕانی کەشوهەوا، بە بەشداری نوێنەری 14 وڵات و 29 زانکۆی نێوخۆیی و دەرەوە، لە زانکۆی سەلاحەدین لە شاری هەولێر بەڕێوەبچێت.
بەڕێوەبەری راگەیاندنی زانکۆی سەلاحەدین دەڵێت، لە کۆنفرانسەکەدا ژینگەی هەرێمی کوردستان بەگشتی و هەبوونی "دووکەڵی رەش لە ئاسمانی شاری هەولێر" باسی لێوەدەکرێت و لێکۆڵینەوە لە هۆکارەکەی دەکرێت.
سامان عەبدوڵڵا، بەڕێوەبەری راگەیاندنی زانکۆی سەلاحەدین لە شاری هەولێر، رۆژی سێشەممە بە تۆڕی میدیایی رووداوی گوت: "جگە لە بەشداربوونی نوێنەری وڵاتان، 29 زانکۆی هەرێمی کوردستان، عێراق، عەرەبی و ئەورووپی بەشدار دەبن".
لە کۆنفرانسەکەدا 163 توێژەری وڵاتە بە 54 توێژینەوە بەشدار دەبن.
بەڕێوەبەری راگەیاندنی زانکۆی سەلاحەدین گوتی: "بەشێکی گرنگی ئەم کۆنفرانسە بریتییە لە خوێندنەوە و لێکۆڵینەوە لەسەر ژینگەی هەرێمی کوردستان و ئەو دووکەڵە رەشەی لەسەر شاری هەولێر هەیە".
سامان عەبدوڵڵا ئاماژەی بەوەشکرد، لە کۆنفرانسەکەدا هۆکاری گۆڕانی کەشوهەوا، ئاستەنگ و چارەسەرییەکان تاوتوێ دەکرێن.
![محەممەد ئەمین بۆزئەرسلان [لای راست] و نێچیرڤان بارزانی.](https://www.rudaw.net/s3/rudaw.net/ContentFiles/932975Image1.jpg?mode=crop&quality=70&rand=1&scale=both&w=362&h=226&version=8475373 "محەممەد ئەمین بۆزئەرسلان [لای راست] و نێچیرڤان بارزانی.")
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ