رووداو دیجیتاڵ
سەرۆکی شارەوانیی شارۆچكەی بسمیل سەر بە پارێزگای ئامەدی باکووری کوردستان، ئەو تابلۆیەی لە دەروازەی گوندی سەلەت بە زمانی کوردی لەسەری نووسرابوو "هون بخێر هاتن" لابرد و لە شوێنیدا تابلۆیەکی بە زمانی تورکی دانا کە لەسەری نووسراوە: "بەخێر بێن، لە بسمیل بەختەوەرم".
ئۆرهان ئەیاس، سەرۆکی شارەوانیی شارۆچكەی بسمیل، کە لە شوێنی سەرۆک شارەوانیی هەدەپە بە قەیووم دانراوە، هەروەها تابلۆی "سەلەت" و "سەلەتی سەروو" لابران و لە شوێنیان تابلۆ بە زمانی تورکی دانا.
بەر لە یاسای گەورە شارەکان و لە ساڵی 2015دا کە شارەوانی لە دەستی پارتی ئاشتی و دیموکراسی-بەدەپە بوو و ئەم گوندە شارەدێ بوو، تابلۆی کوردی "بەخێر بێیت" دانرابوو.
لە دوای دانانی قەیووم لەسەر شارەوانییەکانی باکووری کوردستان لە 2016دا، تائێستا بە سەدان ناوی گوند و شارۆچکە و دامەزراوەکان بە زمانی کوردی لابراون و لە شوێنیان تابلۆ بە زمانی تورکی دانراون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ