رووداو دیجیتاڵ
هاونیشتمانییەک دەڵێ، کەمئەندامی سەنگەرە و تاوەکو ئەمڕۆ مووچەی مانگی نۆیان پێنەدراوە. جێگری بەڕێوەبەری گشتیی خانەنشینیی پێشمەرگە دەڵێ: "مووچەکەیان گواستراوەتەوە و نافەوتێ".
هاونیشتمانییەکە ئەمڕۆ دووشەممە بە تۆڕی میدیایی رووداوی گوت: "تاوەکو ئەمڕۆ مووچەی مانگی ئەیلوومان وەرنەگرتووە، چووین بۆ مووچە دەڵێن مووچەکەتان دەگوازرێتەوە".
فەتحوڵڵا عومەر، جێگری بەڕێوەبەری گشتیی خانەنشینیی پێشمەرگە، ئەمڕۆ بە تۆڕی میدیایی رووداوی گوت: "دۆسیەی سەرجەم ئەو کەمئەندامانەی سەنگەر گواستراوەتەوە سەر وەزارەتی دارایی بۆیە دواکەوتووە".
بە گوتەی فەتحوڵڵا عومەر، ژمارەی ئەوانەی مووچەکەیان گواستراوەتەوە وەزارەتی دارایی نزیکەی هەشت هەزار کەمئەندامی سەنگەرە. گوتیشی: "مووچەیان دواکەوتووە، بەڵام مووچەی کەس نافەوتێ".
ئەو کەمئەندامانەی سەنگەر کە مووچەکەیان گواستراوەتەوە وەزارەتی دارایی و ئابووری هەرێمی کوردستان، پێشتر لە یەکەکانی 70 و 80ـی پێشمەرگە مووچەیان وەرگرتووە.
یەکەی 70ـی پێشمەرگە سەر بە یەکێتی نیشتمانیی کوردستانە و 80 سەر بە پارتی دیموکراتی کوردستانە، تاوەکو ئەمڕۆ تێکەڵی وەزارەتی پێشمەرگە نەکراون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ