رووداو دیجیتاڵ
لە چیای پیرەمەگروون لە سنووری سلێمانی، دوو شاخەوان کە لەگەڵ گرووپێکی گەشتیاریدا بوون هەڵدێراون، دەنگۆی گیانلەدەستدانی یەکێکیان هەیە، بەڵام قایمقام دەڵێت، "هۆشی نەماوە و تیمەکانمان لە رێگەدان بۆ لایان".
بەکر عەبدولکەریم، قایمقامی پیرەمەگروون لە پارێزگای سلێمانی، ئەمڕۆ هەینی بە تۆڕی میدیایی رووداوی گوت: "کاژێر 03:00ـی ئەم ئێوارەیە ئاگادار کراینەوە لە رووداوەکە، کە دوو شاخەوان لە گرووپێکی 20 کەسی کەوتوونەتە خوارەوە".
قایمقامی پیرەمەگروون گوتیشی: "یەکێک لە شاخەوانەکان دەست و قاچی شکاوە، بەڵام یەکێکیان بێهۆشە، دڵنیانین گیانی لەدەستداوە یان نا".
تیمی پۆلیس، ئاسایش، بەرگری شارستانی و پزیشکی بەرەو چیاکە بەڕێکەوتوون. قایمقامی پیرەمەگروون گوتی: "بەهۆی نالەباریی کەشوهەواوە تیمی فڕۆکەوانی ناتوانن بەدەم شاخەوانەکانەوە بچن و دەبێت لە زەوییەوە تیمیان پێ بگات".
![نێچیرڤان بارزانی، سەرۆکی هەرێمی کوردستان [لای راست] و تۆم باراک نوێنەری دۆناڵد ترەمپ بۆ کاروباری سووریا.](https://www.rudaw.net/s3/rudaw.net/ContentFiles/936415Image1.jpg?mode=crop&quality=70&rand=1&scale=both&w=362&h=226&version=8517202 "نێچیرڤان بارزانی، سەرۆکی هەرێمی کوردستان [لای راست] و تۆم باراک نوێنەری دۆناڵد ترەمپ بۆ کاروباری سووریا.")
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ