کوردستان
نێچيرڤان بارزانى، سهرۆكى ههرێمى كوردستان و كريستيانه هۆمان، باڵيۆزى نوێى ئهڵمانيا له عێراق
رووداو دیجیتاڵ
سەرۆکی هەرێمی کوردستان ئەمڕۆ لە کۆبوونەیەکدا لەگەڵ باڵیۆزی نوێی ئەڵمانیا لە عێراق، رایگەیاند بۆ سهقامگيرى له عێراق، دهبێت سيستمى فيدراڵى به دروستى جێبهجێ و جێگير بكرێت.
بهيانيى ئهمڕۆ (دووشهممه، 9-10-2023) نێچيرڤان بارزانى، سهرۆكى ههرێمى كوردستان، پێشوازى له كريستيانه هۆمان، باڵيۆزى نوێى ئهڵمانيا له عێراق و شاندێكى ياوهرى كرد، كه له ژمارهيهك لە ديپلۆماتكار و پلهدارانى سهربازى پێكهاتبوو.
له كۆبوونهوهيهكدا نێچيرڤان بارزانى وێڕاى بهخێرهێنان، پيرۆزباييى دهستبهكاربوونى له باڵيۆزى نوێى ئهڵمانيا كرد و هيواى سهركهوتنى بۆ خواست، ههروهها ههردوولا خۆشحاڵييان به ئاستى پهيوهندييهكانى ئهڵمانيا لهگهڵ عێراق و ههرێمى كوردستان دهربڕى و باسيان له فراوانكردنى زياترى بوارهكانى پهيوهندى و هاريكاريى هاوبهش كرد.
بەپێی راگەیێندراوی سەرۆکایەتیی هەرێمی کوردستان لەکۆبوونەوەکەدا هەردوولا باشتربوونى دۆخى ئهمنيى عێراقييان به گرنگ له قهڵهم دا و، دووپاتيان كردهوه هێشتا داعش مهترسييهكى راستهقينهيه و ههڕهشه له ئاسايش و سهقامگيرى دهكات، بۆيه دهبێ له بهرهنگاربوونهوهىدا بهردهوام بن. ههر لهمبارهيهوه نێچيرڤان بارزانى سوپاسى ئهڵمانياى كرد بۆ پشتيوانيى سهربازى و مرۆيى له عێراق و ههرێمى كوردستان.
له تهوهرێكى ديكهى كۆبوونهوهكهدا، دۆخى سياسيى عێراقيان تاوتوێ كرد و ههردوولا لهسهر پێويستى و گرنگيى جێبهجێكردنى سيستمى فيدراڵى له عێراق هاوڕا بوون. لهمبارهيهوه نێچيرڤان بارزانى ''دووپاتى كردهوه؛ بۆ سهقامگيرى له عێراق، دهبێ سيستمى فيدراڵى به دروستى جێبهجێ و جێگير بكرێت.''
فراوانكردنى ئاڵوگۆڕى بازرگانيى ئهڵمانيا لهگهڵ عێراق و ههرێمى كوردستان، ههوڵدان بۆ فرهچهشنكردنى سهرچاوهكانى داهات له عێراق و دوايين پێشهاتهكانى ناوچهكه بهگشتى، لايهنێكى ديكهى كۆبوونهوهكه بوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ