ئەسپسوارێک لە فێستیڤاڵەکە نمایش بە ئەسپەکەی دەکات
رووداو دیجیتاڵ
دووەمین فێستیڤاڵی ئەسپی رەسەنی کوردی لە بۆکان بەڕێوەچوو؛ فێستیڤاڵێک کە بۆ کۆکردنەوە و کێبڕکێی 70 ئەسپسواری خاوەن ئەسپی رەسەنی کوردی سازکرابوو.
ئەسپسوارانی پارێزگای ورمێ، سنە، کرماشان، ئیلام، تاران، تەورێز، ئیسفەهان و زەنجان بەشداربوون. زۆربەی ئەسپسواران پیاو و ژمارەیەکی کەمیان ژن بوون.
یەکێک لە ئامانجەکانی بەڕێوەبردنی ئەو فێستیڤاڵە، پاراستنی ئەسپی رەسەنی کوردییە؛ ئەسپێک کە بە سەر، مل، چاو، کلک و پێیەکانی لە رەگەزەکانی دیکە جیادەکرێتەوە و بە بەهێزییەکەی بەنێوبانگە و لە رابردوودا بۆ کاری سەخت و لە شەڕەکاندا بەکارهاتووە.
بەپێی لێکۆڵینەوە مێژووییەکان، ئەسپی کوردی لە رەسەنترین، خۆڕاگرترین و بەتواناترین ئەسپەکانە. سێ جۆری سەرەکیی هەیە بە ناوەکانی جاف، ئەفشاری و سەنجاوی. ئەسپی کوردی لە کوردستان و چەندین ناوچەی دیکەی جیهانیش بەخێودەکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ