ڤیدیۆی گوتنەوەی وەڵامی پرسیارەکان بە قوتابییەک
رووداو دیجیتاڵ
وەزیری پەروەردەی هەرێمی کوردستان رایدەگەیێنێت، لەسەر سکاڵای ئەوان ئاسایشی سلێمانی سێ کەسی دەستگیرکردووە کە وەڵامی پرسیارەکانی 12ـی ئامادەییان بە قوتابییەک گوتووەتەوە و ڤیدیۆکەیان بڵاوکردووەتەوە.
وەک لە ڤیدیۆکەدا دەردەکەوێت، کەسێک ئامێرێکی بێتەلی پێیە و وەڵامی یەکێک لە پرسیارەکان بە قوتابییەک دەڵێتەوە، پێیشی دەڵێت "مەیەرەدەرەوە و بە ئیسراحەتی خۆت وەڵام بدەرەوە، پەلەت نەبێت."
ئالان حەمەسەعید، وەزیری پەروەردەی هەرێمی کوردستان لە راگەیێندراوێکدا لەبارەی ئەو رووداوەوە دەڵێت، "بێڕێزیکردن لە پرۆسەی تاقیکردنەوەکان لە کەس قبووڵ ناکەین، ئەوەی یاساشکێنی بکات لەو بارەیەوە تا رووبەڕووکردنەوەی لەگەڵ دادگەکان بە بەردەوامی کار دەکەین."
وەکو وەزیری پەروەردە باسی دەکات، لێکۆڵینەوە دەکەن و ئەو قوتابییەی کە پەیوەندی هەبێت بەو کەسانەوە و ئەو پرسەوە تاقیکردنەوەکەی بە "گزی" بۆ هەژمار دەکرێت.
رۆژی شەممە، 10-6-2023، تاقیکردنەوەی وانەی بیرکاری بۆ هەردوو بەشی وێژەیی و زانستی لە هەرێمی کوردستان بەڕێوەچوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ