رووداو دیجیتاڵ
کەشناسیی هەرێمی کوردستان دەڵێت، ئەمڕۆ لە هەندێک ناوچەی باشووری کوردستان تاوەباران دەبارێت و لە هەندێک ناوچەش خۆڵبارین دەبێت. کەشناسێک دەڵێ، خۆڵبارین لە دهۆک و هەولێر مامناوەند دەبێت و لە سلێمانی، هەڵەبجە و کەرکووک لاواز دەبێت.
رۆژی شەممە 10ـی حوزەیرانی 2023، کەشناسیی هەرێمی کوردستان لە راگەیێندراوێکدا بڵاویکردەوە، "لە دوای نیوەڕۆی ئەمڕۆوە ئەگەری بارینی تاوەبارانی کورتخایەن لە هەندێک کات و شوێنی جیا هەیە؛ هاوکات زیادبوونی خێرایی با لە هەندێک ناوچە دەبێتە هۆی بەرزبوونەوەی تۆز و خۆڵ."
محەممەد کەمال، شارەزای کەشناسی ئەمڕۆ شەممە بە تۆڕی میدیایی رووداوی گوت، خۆڵبارین تاوەکو نیوەشەو بەردەوام دەبێت؛ لە پارێزگاکانی هەولێر و دهۆک مامناوەند دەبێت و لە پارێزگاکانی سلێمانی، هەڵەبجە و کەرکووک لاواز دەبێت.
ئەو کەشناسە گوتیشی، ئەمڕۆ لە ناوچە شاخاوییە سنوورییەکان ئەگەر تاوەباران و هەورەبرووسکە لە شوێن و کاتی جیادا هەیە.
لەبارەی کەشوهەوای سبەی یەکشەممەوە، کەشناسی دەڵێ، ئاسمان لە نێوان ساماڵ و نیمچە هەور دەبێت و بەرزترین پلەی گەرماش بەمشێوەیەی خوارەوە دەبێت:
هەولێر؛ 39 پلەی سیلیزی
سلێمانی؛ 37 پلەی سیلیزی
دهۆک؛ 36 پلەی سیلیزی
کەرکووک؛ 42 پلەی سیلیزی
هەڵەبجە؛ 38 پلەی سیلیزی
زاخۆ؛ 37 پلەی سیلیزی
سۆران؛ 36 پلەی سیلیزی
گەرمیان؛ 43 پلەی سیلیزی
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ