رووداو دیجیتاڵ
لە گوندەواری رۆژئاوای شاری قامیشلۆی رۆژئاوای کوردستان، بەهۆی تەقەی هێزە ئەمنییەکانی تورکیاوە گەنجێکی کورد کوژرا و کەسێکی دیکەش بریندار کرا.
سەرچاوەکانی نزیک لە بەڕێوەبەرایەتیی خۆسەر بڵاویان کردووە، رۆژی یەکشەممە 9ی حوزەیرانی 2024 لەنزیک گوندی دوودا کە دەکەوێتە رۆژئاوای شاری قامیشلۆی رۆژئاوای کوردستان، سێ گەنجی کورد هەوڵیان داوە بەرەو خاکی تورکیا بپەڕنەوە، بەڵام لەلایەن هێزە ئەمنییەکانی تورکیاوە تەقەیان لێکراوە، لە ئەنجامدا گەنجێک گیانی لەدەستدا و یەکێکی دیکە بریندار بوو.
بەپێی زانیارییەکان، دوای تەقەی هێزەکانی تورکیا، تائێستا چارەنووسی گەنجی سێیەم دیار نییە.
تەرمی گەنجە کوژراوەکە و هەروەها گەنجە بریندارەکە دواتر لەلایەن تیمەکانی مانگی سووری کوردیی سەر بە بەڕێوەبەرایەتیی خۆسەرەوە بۆ نەخۆشخانەیەکی شاری قامیشلۆ گوێزرانەوە.
رۆژی 25ی ئایاری 2024 گەنجێکی کوردی خەڵکی شارۆچکەی هیمۆی رۆژئاوای کوردستان بەناوی یەحیا ئەحمەد، کاتێک ویستبووی بپەڕێتەوە نێو خاکی تورکیا، بەهۆی تەقەی هێزە ئەمنییەکانی ئەو وڵاتە لە ناوچەی سەرێکانی کوژرابوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ