کوردستان
ئۆتۆمبێلێکی پۆلیسی راپەڕین و ئەمبوڵانسێک تەرمێک دەگوازنەوە. وێنە: پەیجی پۆلیسی راپەڕین لە فەیسبووک
رووداو - راپەڕین
ژنێک لە قەڵادزێ لەلایەن براکەیەوە تەقەی لێکرا و کوژرا. پۆلیس دەڵیت، بکوژەکە خۆی رادەستی پۆلیس کردووە.
رووداوەکە ئەمڕۆ پێنجشەممە 10-08-2023 لە گەڕەکی ئاشتی لە قەڵادزێ بووە و ژنێک بەناوی شیوەن عەلی تەمەن 32 ساڵ لەلایەن براکەیەوە بە چەکی جۆری دەمانچە کوژرا.
شۆڕش ئیسماعیل، گوتەبێژی پۆلیسی راپەڕین بە تۆڕی میدیایی رووداوی راگەیاند، "رووداوەکە نزیک کاژێر 10:00 بووە، ژنەکە لەلایەن برایەکیەوە کوژراوە، دوای ئەنجامدانی تاوانەکەش بکوژەکە خۆی رادەستی هێزە ئەمنییەکان کردووە."
بە گوتەی پۆلیسی راپەڕین، بکوژ تەمەنی 33 ساڵە، دوای لێکۆڵینەوە لەگەڵیدا دانی بە تاوانەکەدا ناوە؛ لێکۆڵینەوەش لەگەڵیدا بەردەوامە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ