رووداو دیجیتاڵ
کەشناسیی هەرێمی کوردستان رایگەیاند، شەپۆلێکی نوێی بەفر و باران هەرێمی کوردستان دەگرێتەوە. کەشناسێکیش ئەو ناوچانە دیاری دەکات، کە پێشبینی دەکرێت بەفری لێ ببارێت.
کەشناسیی هەرێمی کوردستان رایگەیاند: "ئێوارەی دووشەممە شەپۆلێکی بەفر و باران ناوچەکەمان دەگرێتەوە و لە کاتەکانی بەیانی پێنجشەممەدا کۆتای دێ".
بەگوێرەی راگەیێندراوەکە بێت، ئەو ناوچانەی هەزار مەتر لە ئاستی رووی دەریاوە بەرزن بەفربارین دەیانگرێتەوە. ئاماژە بەوەشکراوە: "لە رۆژی چوارشەممەدا لە سەنتەری پارێزگاکانی سلێمانی، هەڵەبجە و دهۆک ئەگەری بەفربارین هەیە".
لەبارەی بارانبارینیشەوە کەشناسی رایگەیاندووە: "نمەباران دەبارێت و هەندێک کات دەبێتە لێزمە باران، بەتایبەت لە سنووری ئیدارەی سەربەخۆکانی زاخۆ و راپەڕین".
محەممەد کەمال، شارەزای کەشناسی ئەمڕۆ یەکشەممە بە تۆڕی میدیایی رووداوی گوت: "چوارشەمه تاوەکو پێنجشەممە پێشبینی دەکرێت لە بەشێکی ناوچە جیاکانی هەر چوار پارێزگاکەی هەرێمی کوردستان بەفر ببارێت".
بەگوێرەی پێشبینییەکانی ئەو کەشناسە، لەم ناوچانە ئەگەری بەفربارین هەیە:
پارێزگای سلێمانی: سلێمانی، پێنجوێن، دەربەندیخان، پیرەمەگروون، قەرەداغ، سەرتەک، کربچنە، سەنگاو، بازیان، ئیدارەی راپەڕین، بەرزاییەکانی باکووری گەرمیان.
پارێزگای هەولێر: سۆران، رواندز، مێرگەسۆر، باڵەکایەتی، شەقڵاوه، پیرمام، بەستۆرە، بارزان، سیدەکان، کەسنەزان، خەلیفان.
پارێزگای دهۆک: شیلادزێ، ئامێدی، بامەڕنێ، سەرسەنگ.
پارێزگای هەڵەبجە: هەڵەبجە، تەوێڵە، بیارە.
بەگوێرەی کەشناسیی هەرێمی کوردستان، سبەی پلەی گەرما بەراورد بە ئەمڕۆ دوو بۆ سێ پلەی سیلیزی دادەبەزێت و بەمشێوەیە دەبێت:
هەولێر؛ 14 پلەی سیلیزی
پیرمام؛ 11 پلەی سیلیزی
سۆران؛ 12 پلەی سیلیزی
حاجی ئۆمەران؛ 4 پلەی سیلیزی
سلێمانی؛ 11 پلەی سیلیزی
چەمچەماڵ؛ 14 پلەی سیلیزی
دهۆک؛ 12 پلەی سیلیزی
زاخۆ؛ 14 پلەی سیلیزی
ئاکرێ؛ 13 پلەی سیلیزی
هەڵەبجە؛ 13 پلەی سیلیزی
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ