رووداو دیجیتاڵ
نێچیرڤان بارزانی، سەرۆکی هەرێمی کوردستان رایگەیاند، پێشوازی له رێككهوتنهکە دهكهن و پشتگیریی تهواوی ههرێمی كوردستان بۆ ئارامی و سهقامگیریی سووریا دووپات دهكهنهوه.
ئەمڕۆ سێشەممە، سەرۆکی هەرێمی کوردستان لە راگەیێندراوێکدا ئاماژەی بەوە کرد، "پیرۆزبایی له براكانمان له سووریا دهكهین بۆ رێككهوتنی نێوان بهڕێزان سهرۆکی سووریا و فهرماندهی هێزهکانی سووریای دیموکرات (ههسهده) كه نهخشهڕێگایهكی گونجاو بۆ داهاتوو و قۆناخێکی دروستی راگوزهر پێكدێنێت. پێشوازیی سوورییهكان لهم رێككهوتنه، وهك ههموو گهلانی ناوچهكه، رهنگدانهوهی خواستی ئهوانه بۆ سهقامگیری و چارهسهری ئاشتییانهی دوور له توندوتیژی".
دەشڵێت، "له کاتێکدا پێشوازی لهم رێككهوتنه دهكهین، پشتگیریی تهواوی ههرێمی كوردستان بۆ ئارامی و سهقامگیریی سووریا دووپات دهكهینهوه، ههروهها داکۆکی له پێویستیی پاراستنی مافهكانی ههموو پێكهاتهكانی سووریا و هاوبهشیی كارایان له بنیاتنانی سووریایهكی ئازاد و گهشهسهندوودا دهکهین".
رۆژی دووشەممە، 10ـی ئاداری 2025، مەزڵووم عەبدی، فەرماندەی گشتیی هێزەکانی سووریای دیموکرات و ئەحمەد شەرع، سەرۆککۆماری سووریا بۆ قۆناخی راگوزەر، لە دیمەشق رێککەوتنێکیان واژۆ کرد.
دەقی رێککەوتنەکەی شەرع و عەبدی:
لەسەر بنەمای کۆبوونەوەی نێوان بەڕێز سەرۆک ئەحمەد شەرع و بەڕێز مەزڵوم عەبدی، لە رۆژی دووشەممە 10ی ئاداری 2025، ئەم خاڵانەی خوارەوەی رێککەوتنی لەسەرکرا:
1- گەرەنتی کردنی مافی هەموو سوورییەکان لە نوێنەرایەتی و بەشداریکردن لە پرۆسەی سیاسیدا و هەموو دامەزراوەکانی دەوڵەت لەسەر بنەمای لێهاتوویی بێ گوێدانە پاشخانە ئایینی و نەتەوەییەکانیان.
2- کۆمەڵگەی کوردی کۆمەڵگەیەکی رەسەنە لە دەوڵەتی سووریا و دەوڵەتی سوریا گەرەنتی مافی هاووڵاتی بوونی دەکات و هەموو مافە دەستورییەکانی بۆ دابین دەکات.
3- راگرتنی شەڕ لەسەرجەم خاکی سووریا دا.
4- تێکەڵکردنی هەموو دامەزراوە مەدەنی و سەربازییەکان لە باکووری رۆژهەڵاتی سووریا لە چوارچێوەی ئیدارەی دەوڵەتی سوریا، لەنێویاندا دەروازە سنوورییەکان و فڕۆکەخانە و کێڵگە نەوتی و گازییەکان.
5- گەرەنتی گەڕانەوەی سەرجەم ئاوارە سوورییەکان بۆ شارۆچکە و گوندەکانیان و دابینکردنی پاراستنیان لە لایەن دەوڵەتی سووریاوە.
6- پشتیوانی دەوڵەتی سوریا لە رووبەڕووبوونەوەی پاشماوەکانی ئەسەد و هەموو ئەو هەڕەشانەی کە هەڕەشە لە ئاسایش و یەکپارچەیی خاکەکەی دەکەن.
7- رەتکردنەوەی بانگەشەکانی دابەشبوون و رق و کینە و هەوڵدان بۆ بڵاوکردنەوەی ئاشووب لە نێوان هەموو پێکهاتەکانی کۆمەڵگەی سووریادا.
8- لیژنە جێبەجێکارەکان کار دەکەن و هەوڵدەدەن بۆ جێبەجێکردنی رێککەوتنەکە بە شێوەیەک کە لە کۆتایی ئەم ساڵ تێنەپەڕێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ