تەندروستیی هەردوو منداڵەکە و دایکیان جێگیرە.
رووداو دیجیتاڵ
جەنات و بەرەکات ناوی ئەو دوو منداڵە پێکەوە لکاون کە لەنەخۆشخانەی ژنان و منداڵانی کەرکووک لە دایکبوون. هەردووکیان یەک دڵ و جگەریان هەیە و سکیان پێکەوە لکاوە.
منداڵەکان بە نەشتەرگەری لەدایکبوون و ئێستا دۆخی تەندروستییان جێگیرە و دایکیشیان سەلامەتە.
دکتۆر سوزان وەهبی، پسپۆڕی منداڵبوونە و نەشتەرگەری بۆ منداڵەکان ئەنجامداوە و دەڵێت، "کە سەردانی منیان کرد لە مانگی شەش دا بوو کە سۆنارمان بۆی کرد و پشکنینمان کرد، دەرکەوت ئەمە پێکەوە لکاون، لەکاتی سۆنار زانیمان یەک دڵیان هەیە، زۆر دەگمەنە و لەپەنجا هەزار ئافرەت یەک ئافرەت ئەوەی دەبێت، بۆ چارەسەر بەندە لەسەر ئەوەی کۆئەندامەکانیان چەندێک هاوبەشە لەنێوانیان."
کەسوکاری منداڵەکان خەڵکی قەرەتەپەی سەر بە دیالەن و دەڵێن، زانیارییان لەسەر دۆخی مندالەکان هەبووە، بەڵام بۆ ئەوەی گوناه بار نەبن، منداڵەکانیان لەبار نەبردوون.
محەممەد جەبار، باوکی منداڵەکانە و دەڵێت، "دوای تێپەڕبوونی چوار مانگ گوتیان پێکەوە لکاون و یەک دڵیان هەیە، پرسیارمان کرد گوتیان لەڕووی شەرعییەوە نابێ لەبارییان ببەن."
بەپێی پشکنین و سۆنار، منداڵەکان تەنیا دڵ و جگەریان هاوبەشە و بەهەردووکیان دڵێک و جگەرێکیان هەیە. دکتۆرێکیش دەڵێت، ئەستمە بتوانن بە سەلامەتی لێکیان جیا بکەنەوە و دەب
دکتۆر سەیف سەڵاح، بەرپرسی بەشی منداڵە نەبەکامەکان لەبارەی جیاکردنەوەی منداڵەکان باس لەوە دەکات، "ئەگەر هەریەک لەمنداڵەکان ئەندامی خۆیان هەبێت، دوو دڵ، دوو جگەر، دوو گەدە و چوار گورچیلە، ئەوە ئومێدی جیاکردنەوەیان بەسەلامەتی بەرزە، بەڵام وەک ئەم نموونەیە کە هەیە و یەک دڵی هاوبەش و جگەری هاوبەشیان هەیە هیوای مانەوەیان کەمە"
هەرچەندە تاوەکو ئێستا لەپشکنین و سۆنارەکان دەرنەکەوتووە، بەڵام پزیشکەکان گومان دەکەن دڵ و جگەری منداڵەکان لەو بەشەی نێوانیان بێت کە سکیان پێکەوە لکاوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ