هەڵەیەک روویدا! دووبارە هەوڵبدە
رووداو دیجیتاڵ
گوتەبێژی پۆلیسی دهۆک دەڵێ، بەدواداچوون بەردەوامە بۆ ئەو شوێنانەی قوماریان تێدا دەکرێ؛ ئاماژە بەوەش دەکات:"دوێنی شەو 17 کەس لەسەر قومارکردن دەستگیرکران".
رۆژی دووشەممە، 11ـی ئابی 2025، هێمن سلێمان، گوتەبێژی پۆلیسی دهۆک بە تۆڕی میدیایی رووداوی راگەیاند: "کاژێر 12:00ـی شەوی رابردوو، هێزەکانمان لە بنکەی پۆلیسی ماڵتا هەڵیانکوتایە سەر کافتریایەک و 17 کەسیان لەکاتی قومارکردندا دەستگیرکرد".
بە گوتەی هێمن سلێمان، کافتریاکە داخرا و خاوەنەکەشی دەستگیرکرا.
هەموو دەستگیرکراوەکان گەورەن. گوتەبێژی پۆلیسی دهۆک گوتی: "لەسەرەتای ئەم ساڵەوە دەیان کەس دەستگیرکراون و هەڵمەتەکەمان بۆ نەهێشتنی قومارکردنەوە چڕکردووەتەوە".
تۆمەتبارەکان بە بڕیاری دادوەری لێکۆڵینەوە و بەپێی مادەی 389ـی یاسای سزادانی عێراقی دەستگیرکراون.
بەپێی مادە یاساییەکە، هەر کەسێک قومارخانە یان شوێنی قومارکردن دابنێ، سزادەدرێت بە زیندانیکردن کە لە ماوەی ساڵێک زیاتر نەبێت، جگە لە پێبژاردنی دارایی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ