رووداو دیجیتاڵ
سەرۆکی هەرێمی کوردستان لە یادی شۆڕشی ئەیلوول پەیامێکی بڵاوکردەوە و دەڵێت، بووە چهترى كۆكهرهوهى ههموو چين و توێژهكان و دهنگى رهواى گهلى كوردستانى به تهواوى جيهان گهياند. دەشڵێت، "ئهمڕۆش بۆ پاراستنى ماف و دهستكهوتهكانمان دهبێ ههمووان پێكهوه كار بكهين تا گهل و وڵاتهكهمان دهگهيێنينه كهنارى ئارامى".
نێچیرڤان بارزانی، سەرۆکی هەرێمی کوردستان لە پەیامەکەیدا دەڵێت، "شۆڕشى مهزنى ئهيلوول له سهردهمێكى ئاڵۆز و دژواردا كه له ههموو لايهكهوه ستهم و نكۆڵى له گهلى كوردستان دهكرا، بووه ناسنامه و بناخهى بيرى نهتهوهيى و نيشتمانى، گيانێكى تازهى بۆ ههستانهوه و رووبهڕووبوونهوه بهبهر كوردستانيياندا كرد".
ئەمڕۆ 64 ساڵ بەسەر شۆڕشی ئەیلوول تێدەپەڕێت. نێچیرڤان بارزانی دەڵێت، "لە یادی شۆڕشى مهزنى ئهيلوول، رابهرى شۆڕش و گهلى كوردستان، بارزانيى نهمر و تهواوى ئهو سهركرده و پێشمهرگه قارهمان و دڵسۆزانهى كوردستان بهبير دههێنينهوه و به رێزهوه ياديان دهكهينهوه كه بهشدار و هاوبهش و هێز و بازووى شۆڕش بوون. دروود بۆ گيانى شههيدان و سڵاو بۆ بنهماڵه و كهسوكارى سهربهرزيان دهنێرين".
لە پەیامی سەرۆکی هەرێمی کوردستاندا هاتووە: "لهم يادهدا جهخت له ئامانج و پرهنسيپ و بهها باڵاكانى شۆڕش له ئازادى، ديموكراسى، پێكهوهيى، يهكترقبووڵكردن، لێبوردهيى و ئاشتى دهكهينهوه. وهك چۆن شۆڕشى ئهيلوول شۆڕشى ههموو پێكهاتهكانى كوردستان بوو، ههمووان پێكهوه يهكڕيز و تهبا بۆ يهك ئامانج خهباتيان كرد و قوربانييان دا، ئهمڕۆش بۆ پاراستنى ماف و دهستكهوتهكانمان دهبێ ههمووان پێكهوه كار بكهين تا گهل و وڵاتهكهمان دهگهيێنينه كهنارى ئارامى".
دەقی پەیامی نێچیرڤان بارزانی، سەرۆکی هەرێمی کوردستان:
شۆڕشى مهزنى ئهيلوول له سهردهمێكى ئاڵۆز و دژواردا كه له ههموو لايهكهوه ستهم و نكۆڵى له گهلى كوردستان دهكرا، بووه ناسنامه و بناخهى بيرى نهتهوهيى و نيشتمانى، گيانێكى تازهى بۆ ههستانهوه و رووبهڕووبوونهوه بهبهر كوردستانيياندا كرد. بووه چهترى كۆكهرهوهى ههموو چين و توێژهكان و دهنگى رهوا و دلێر و هاوارى ماف و ئازاديى گهلى كوردستانى به تهواوى جيهان گهياند و وهك گهلێكى زيندووى ژياندۆست و ئاشتيخواز دهركهوت.
لهم يادهدا جهخت له ئامانج و پرهنسيپ و بهها باڵاكانى شۆڕش له ئازادى، ديموكراسى، پێكهوهيى، يهكترقبووڵكردن، لێبوردهيى و ئاشتى دهكهينهوه. وهك چۆن شۆڕشى ئهيلوول شۆڕشى ههموو پێكهاتهكانى كوردستان بوو، ههمووان پێكهوه يهكڕيز و تهبا بۆ يهك ئامانج خهباتيان كرد و قوربانييان دا، ئهمڕۆش بۆ پاراستنى ماف و دهستكهوتهكانمان دهبێ ههمووان پێكهوه كار بكهين تا گهل و وڵاتهكهمان دهگهيهنينه كهنارى ئارامى.
بهرز و شكۆدار بێت يادى شۆڕشى ئهيلوول، سڵاو و دروود بۆ گيانى پاكى شههيدان.
نێچيرڤان بارزانى
سهرۆكى ههرێمى كوردستان
2025/9/11
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ