رووداو هەولێر
بەردی بناخەی دوو پڕۆژەی خزمەتگوزاری بۆ ناحیەی هەریر دانران. بەڕێوەبەری ناحییەکە دەڵێت، یەکێک لە پڕۆژەکان دیاری نێچیرڤان بارزانی، سەرۆکی هەرێمی کوردستانە بۆیان.
رۆژی سێشەممە 12-4-2022، کاروان کەریم خان، بەڕێوەبەری ناحیەی هەریر بە تۆڕی میدیایی رووداوی راگەیاند، ئەمڕۆ بە ئامادەبوونی پارێزگاری هەولێر، بەردی بناخەی دروستکردنی پارکی هەریر و کۆنکرێتکردنی چەند کۆڵانێکی ناوچەکە دانرا.
بەڕێوەبەری ناحیەی هەریر گوتیشی، "پارکی هەریر لە رووبەری 12 دۆنم زەویدا بە گوژمەی ملیارێک و 326 ملیۆن و 792 هەزار دینار دروستدەکرێت کە دیاری نێچیرڤان بارزانی، سەرۆکی هەرێمی کوردستانە."
ئاماژە بەوەش دەکات، چەند گەڕەکێک لە ناحییەکانی هەریر و باسرمە بە گوژمەی 694 ملیۆن و 950 هەزار دینار لەسەر بودجەی وەزارەتی شارەوانی و گەشتوگوزار قیرتاو دەکرێن.
ناحیەی هەریر سەر بە پارێزگای هەولێرە؛ سنووری ناحیەکە بە تێکڕای گوندەکانییەوە دانیشتوانەکەی نزیکەی 40 هەزار کەسە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ