رووداو دیجیتاڵ
سەرۆک مەسعود بارزانی لە پیرمام پێشوازیی لە سەرۆکوەزیرانی عێراق کرد، تاوتوێی چەند پرسێکیان کرد و جەختیان لە هەماهەنگیی لایەنە عێراقییەکان بۆ چارەسەری کێشەکان کردەوە.
بەیانیی ئەمڕۆ شەممە 12ی نیسانی 2025 محەممەد شیاع سوودانی، سەرۆکوەزیرانی عێراق بە سەردانێک گەیشتە هەولێر و لەلایەن مەسرور بارزانی، سەرۆکوەزیرانی هەرێمی کوردستانەوە پێشوازیی لێکرا.
یەکەم کۆبوونەوەی سوودانی لەگەڵ سەرۆک مەسعود بارزانی بوو لە هاوینەهەواری سەڵاحەدین. بارەگای بارزانی لەبارەی کۆبوونەوەکەوە دەڵێت، "لە دیدارەكەدا گفتوگۆ لەبارەی بارودۆخی سیاسی و دوایین گۆڕانكاری و پێشهاتەكان لەسەر ئاستی هەرێمایەتی و ناوچەكە كرا، هەروەها جەختیش لە هەماهەنگیی نێوان لایەنە عێراقییەكان بۆ تێپەڕاندنی قەیران و ئاڵنگارییەكان و چارەسەریی كێشەكان كرایەوە."
هاوکات هەر بەپێی راگەیێندراوی بارەگای بارزانی، پەیوەندییەكانی نێوان حكومەتی هەرێمی كوردستان و حكومەتی عێراقی فیدڕاڵ تەوەرێکی دیکەی ئەو دیدارە بووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ