ژمارەیەک لە هاونیشتمانییان لە ناحیەی شۆڕش بە ئاگرکردنەوە لە حەوشەی ماڵەکانیان خۆیان گەرم دەکەنەوە
رووداو دیجیتاڵ
لە گەڕەکێکی ناحیەی شۆڕشی سنووری قەزای چەمچەماڵ، هاونیشتمانییان بە ئاگرکردنەوە لە حەوشەی ماڵەکانیان خۆیان گەرم دەکەنەوە. هەردی محەممەد، پەیامنێری رووداو لە گەڕەکێکی شۆڕش قسەی لەگەڵ هاونیشتمانییان کرد و داوای هاوکاری لە حکومەت و خێرخوازان دەکەن.
هاونیشتمانییەک قسەی بۆ هەردی محەممەد، پەیامنێری رووداو کرد و گوتی، "لە هەندێک ناوچەدا ماڵەکان زیاتر لە مەتر و نیوێک ئاویان تێچووە."
هاونیشتمانییەکی دیکە دەڵێت، "بە رۆژ ماڵەکانمان پاک دەکەینەوە و شەوانیش دەچینەوە ماڵی کەسوکارەکانمان دەخەوین، چونکە هیچ کەلوپەلمان دەرنەچووە و هەمووی لەنێوچووە یان پیسبووە."
بەشی زۆری ماڵی هاونیشتمانییانی ناحیەی شۆڕش دۆخێکی یەکجار سەختییان هەیە و داوای هاوکاری و قەرەبووکردنەوە لە حکومەت دەکەن.
بەهۆی بارانبارینەوە لە 9ـی ئەم مانگە لە قەزای چەمچەماڵ و ناحیەکانی دەوروبەری لافاو دروستبوو. کە جگە زیانی مادی، بووە هۆی گیانلەدەستدانی دوو هاونیشتمانیی قەزاکە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ