نوێنەری سەرۆک بارزانی لەگەڵ مەزڵووم عەبدی و ئەنەکەسە کۆدەبێتەوە

13-01-2025
نالین حەسەن
نالین حەسەن
A+ A-

رووداو دیجیتاڵ 

عەبدولحەمید دەربەندی، نوێنەری سەرۆک مەسعود بارزانی لە رۆژئاوای کوردستانە و بە جیا لەگەڵ مەزڵووم عەبدی، فەرماندەی گشتیی هەسەدە و ئەنەکەسە کۆدەبێتەوە. 
 
بەپێی زانیارییەکانی رووداو، کۆبوونەوەی نوێنەری سەرۆک بارزانی و مەزڵووم عەبدی دوانیوەڕۆی ئەمڕۆ دەستیپێکردووە و لە حەسەکە بووە. ئێوارەی ئەمڕۆش لە قامشلۆ لەگەڵ ئەنەکەسە کۆدەبێتەوە.
 
ئێستا کە چارەنووسی سووریا دەگۆڕێت و هەموو لایەنەکان خەریکی دانانی نەخشەی داهاتووی وڵاتەکەن، هەوڵەکان بۆ یەکڕیزیی کورد لە رۆژئاوای کوردستان و سووریا زیاد بوون. 

سەردانەکەی عەبدولحەمید دەربەندی لەو چوارچێوەیەدایە. 

لە 8ـی ئەم مانگەش سەرۆک مەسعود بارزانی لەگەڵ شاندێکی ئەنەکەسە لە هەولێر کۆبووەوە و جەختی لە پشتیوانیکردنی دۆزی گەلی کورد لە سووریا کردەوە.

بارەگای بارزانی لە راگەیێندراوەکەدا نووسیبووی: سەرۆک بارزانی "جەختی لە پشتیوانیکردنی دۆزی گەلی کورد لە سووریا و پێویستیی یەکڕیزیی و یەکهەڵویستیی لایەنە کوردییەکان و رەچاوکردنی بەرژەوەندییەکانی گەلی کورد لە سووریا و پشتبەستن بە دیالۆگ و رێکاری ئاشتیانە کردەوە."

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

12 گەنجی هەرێمی کوردستان کە رۆژی 17-01-2025 لە لیبیاوە گەڕێندرانەوە

ئەم ساڵ 13 هاونیشتمانیی هەرێمی کوردستان لە لیبیاوە گەڕێندراونەتەوە

هەڵسوڕێنەری کاروباری باڵیۆزخانەی عێراق لە لیبیا دەڵێت، لە سەرەتای ئەم ساڵەوە 13 هاونیشتمانیی هەرێمی کوردستانیان لە لیبیاوە گەڕاندووەتەوە. دەشڵێت، لە بەدواداچوونی بەردەوامدان بۆئەوەی شوێنی هاووڵاتییە عێراقییەکانی دیکە، کە لەو وڵاتە گیریان خواردووە، بدۆزنەوە و بیانگەڕێننەوە