رووداو دیجیتاڵ
بەڕێوەبەرایەتیی پۆلیسی پارێزگای هەولێر ئەمڕۆ دووشەممە (13-10-2025) رایگەیاند، تۆمەتبارێک کە خەزووری خۆی لە بەردەم دادگای هەولێر کوشتبوو، خۆی رادەستی هێزەکانیان کرد. رووداوەکە بەهۆی کێشەی خێزانییەوە بوو.
پۆلیسی هەولێر لە راگەیێندراوێکدا ئاماژەی بەوەدا، پاشنیوەڕۆی ئەمڕۆ هێزەکانیان لە حاڵەتێکی کوشتن لە بەردەم دادگای هەولێر ئاگادار کرانەوە. لە لێکۆڵینەوەکاندا دەرکەوتووە کە تۆمەتبارێک بە ناوی (ا. ع. م)، کە کێشەی خێزانی هەبووە، لەکاتی هاتنەدەرەوەیان لە دادگا، تەقە لە خەزووری خۆی دەکات بەناوی (ب. ر. ع) و دەستبەجێ گیان لەدەست دەدات.
بەپێی راگەیێندراوەکە، تۆمەتباری ئاماژەپێکراو، دوای چەند کاژێرێک لە روودانی تاوانەکە، خۆی رادەستی هێزەکانی بەڕێوەبەرایەتیی پۆلیسی پارێزگای هەولێر کرد و لە ئێستاشدا لێکۆڵینەوە لە تاوانەکە بەردەوامە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ