رووداو دیجیتاڵ
بە پێی زانیارییە خۆجێییەکان، رۆژی سێشەممە 13ی شوباتی 2024، چوار هاونیشتمانی لە پارێزگاکانی سنە و کرماشان لە لایەن هێزە ئەمنییەکانی ئێرانەوە دەستبەسەر کراون.
بە گوێرەی زانیارییەکان، لە پارێزگای سنە، هێزە ئەمنییەکان سێ هاونیشتمانیان بە ناوەکانی کاوە چووپانی تەمەن 38 ساڵ و خەڵکی شاری دیواندەرە؛ مستەفا زاهیرزهوور تەمەن 57 ساڵ و خەڵکی شاری سنە و حوسێن ساعدمووچشی تەمەن 55 ساڵ و خەڵکی شاری موژی سەر بە کامێران، دەستبەسەر کردووە.
هێزە ئەمنییەکان چوونەتە سەر ماڵی ئەو هاونیشتمانیانە و بێ ئەوەی بەڵگەی یاسایی و بڕیاری دادگەیان پێ بێت، ئەو کەسانەیان دەستگیر کردووە.
هەروەها لە شاری جوانڕۆی سەربە پارێزگای کرماشان، هاونیشتمانییەک بە ناوی شەعبان موریدی تەمەن 32 ساڵ لە لایەن هێزەکانی ئیدارەی ئیتڵاعاتی کرماشانەوە دەستبەسەر کراوە.
تا ئێستا هۆکاری دەستبەسەرکردنی ئەو چوار هاونیشتمانییە روون نییە و تۆمەتەکانیان دیار نین.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ