رووداو دیجیتاڵ
کەشناسیی هەرێمی کوردستان رایگەیاند، سبەی باران دەبارێت. کەشناسێک دەڵێت، لە پارێزگاکانی سلێمانی و هەڵەبجە بارانی زیاتر لە پارێزگای هەولێر دەبارێت و شەپۆلەکە دهۆک ناگرێتەوە.
لەبارەی کەشوهەوای ئەمڕۆ (پێنجشەممە 14ـی ئادار)، کەشناسیی هەرێمی کوردستان رایگەیاند، ئاسمان نیمچەهەور دەبێت و بەراورد بە دوێنێ پلەی گەرما یەک بۆ دوو پلە بەرز دەبێتەوە.
بەگوێرەی کەشناسیی هەرێمی کوردستان، سبەی لە دوای نیوەڕۆوە لە ناوچەکانی باکوور و رۆژهەڵاتی هەرێمی کوردستان نمەباران و بارانی مامناوەند دەبارێت؛ هەروەها "لە شەودا لە بەشێکی سنووری پارێزگای سلێمانی و ناوچە شاخاوییەکانی، ئەگەری بارانبارین زیاترە و هەندێک کات لە کاتی باراندا هەورە برووسکەش دەبێت".
ئاراس جەبار، شارەزای کەشناسی ئەمڕۆ بە تۆڕی میدیایی رووداوی گوت، سبەی لە سنووری پارێزگاکانی سلێمانی و هەڵەبجە و ئیدارەی گەرمیان تاوەباران و نمەبارانی ناوبەناو دەبارێت و لە پارێزگای هەولێر کاریگەریی کەمترە و لاوازە. بە گوتەی ئەو، شەپۆلەکە پارێزگای دهۆک ناگرێتەوە و بەرەبەیانی رۆژی شەممە کۆتایی دێت.
بەرزترین پلەی گەرمای پێشبینیکراو بۆ سبەی (هەینی) بەمشێوەیەیە:
هەولێر: 22 پلەی سیلیزی
سلێمانی: 21 پلەی سیلیزی
دهۆک: 21 پلەی سیلیزی
زاخۆ: 22 پلەی سیلیزی
هەڵەبجە: 20 پلەی سیلیزی
کەرکووک: 24 پلەی سیلیزی
سۆران: 20 پلەی سیلیزی
حاجی ئۆمەران: 13 پلەی سیلیزی
گەرمیان: 25 پلەی سیلیزی
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ